રાજકોટ તા. ૧૧: કેન્‍દ્ર સરકાર દ્વારા તમામ રાજ્‍ય સરકારને રેશનકાર્ડ ધારકોને ઇ-કેવાયસી ફરજિયાત કરવામાં આવી છે. જે રેશનકાર્ડ ધારકોએ ઇ - કેવાયસીની પ્રક્રિયા પૂર્ણ નહીં કરે તે રેશનકાર્ડ ધારકોને બે વસ્‍તુ મળતી બંધ થઈ જશે. રાજકોટના ૩૭ લાખ રેશનકાર્ડ મેમ્‍બર માંથી માત્ર ૧૫ લાખ જેટલા જ લોકોએ ઇ- કેવાયસીની પ્રક્રિયા પૂર્ણ કરવા આવી છે. એટલે કે હાલ રાજકોટ જિલ્લામાં માત્ર ૪૦ ટકા જેટલી જ કામગીરી થઇ છે. હજી પણ ૬૦ ટકા જેટલી કેવાયસીની  કામગીરી બાકી છે. આજે પણ ૨૪ લાખથી પણ વધુ રેશનકાર્ડ ધારકો ઇ- કેવાયસી કરવામાં બાકી છે.સૌથી ધીમી કામગીરી રાજકોટ શહેરમાં સૌથી ઝડપી કામગીરી જામકંડોરણામાં ૬૦ ટકા E- KYC કામગીરી પૂર્ણ થઈ છે. ઇ-કેવાયસીની કામગીરી અત્‍યંત ધીમી અને ગોકળગાય ગતિએ ચાલી રહ્યાનું ખૂદ પુરવઠાતંત્ર જ કબૂલી રહ્યું છે.રાજકોટ જિલ્લાના કુલ-૩૭,૮૧,૫૦૧ રેશનકાર્ડ ધારકોમાંથી ૧૫,૧૦,૭૫૧ (૩૯.૯૫%)રેશનકાર્ડ ધારકોનું e-KYC પૂર્ણ થયેલ છે. તેમજ હાલ ૨૨,૭૦,૭૫૦ (૬૦.૦૫%) રેશનકાર્ડ ધારકોનું e-KYC બાકી છે. 

 રાજકોટ જિલ્લાના કુલ NFSA -૧૩,૩૮,૧૩૬ રેશનકાર્ડ ધારકોમાંથી ૯,૧૬,૫૫૪ (૬૮.૪૯%) NFSA રેશનકાર્ડ ધારકોનું e-KYC પૂર્ણ થયેલ છે. તેમજ હાલ ૪,૨૧,૫૮૨ (૩૧.૫૧%)NFSA રેશનકાર્ડ ધારકોનું e-KYC બાકી છે.