તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
પ્રદેશની લીક યાદી મુજબ જ ઘોષણા : માધવ દવે એ ધુરા સંભાળી
રાજકોટ શહેર ભાજપને મળ્યા નવા અધ્યક્ષ ‘માધવ' મધુવન નહિ કમલમમાં : શહેરના નવા પ્રમુખ માટે શુભેચ્છાની ખુશ્બુ મહેકાવતા અગ્રણીઓ
રાજકોટ, તા. ૭ : પ્રદેશ ભાજપે અલગ-અલગ શહેર જિલ્લાના પ્રમુખોની કાલે જાહેરાત કરી હતી. ગઇકાલે સાંજે રાજકોટ શહેરના અધ્યક્ષના નામ માટે સંકલનની બેઠક મળી હતી. અને ૧૦ મીનીટ બાદ આમંત્રિત આગેવાનોની ઉપસ્થિતિમાં પ્રમુખપદે માધવ દવેનું નામ જાહેર કરવામાં આવ્યું હતું.
પ્રદેશ ભાજપની સુચના અને માર્ગદશૃન મુજબ રાજકોટ શહેર સંગઠનના ચૂંટણી અધિકારી અને રાજયસભાના સાંસદ મયંકભાઇ નાયક તથા પ્રદેશ ભાજપના આગેવાન ડો. માયાબેન કોડનાની બંધ કવરમાં ગત સાંજે રાજકોટ આવી પહોંચ્યા હતા અને સંકલન બેઠક બાદ તેમની ઉપસ્થિતિમાં પત્રના નિયમ મુજબ શહેર ભાજપના નવા પ્રમુખ તરીકે માધવ દવેના નામનો પ્રસ્તાવ શહેર પ્રમુખ મુકેશ દોશીએ મુકયો હતો. અને રાજયસભાના સાંસદ રામભાઇ મોકરીયા તથા કિરણબેન માંકડિયાએ તેનો ટેકો આપ્યો હતો. તે સાથે જ સર્વાનુમતે નવા પ્રમુખ તરીકે માધવ દવેના નામની જાહેરાત કરવામાં આવી હતી. (૯.૧૪)
રાજકોટ : ગુજરાતમાં ભાજપના સંગઠન પર્વમાં અંતે જિલ્લા અને મહાનગરોના પ્રમુખોની પસંદગીનું ચોઘડીયું આવતા જ રાજયભરમાં પ્રદેશ કલ્સ્ટર પ્રભારી દ્વારા ગઇકાલે સવારથી જ તેમના ફાળવાયેલા જિલ્લા અને મહાનગરમાં પહોંચી ગયા હતા અને એક બાદ એક જિલ્લા અને મહાનગરોમાં પ્રમુખોની જાહેરાત થવા લાગી હતી ત્યારે ગઇકાલ મોડી સાંજે રાજકોટ શહેર ભાજપ પ્રમુખપદે માધવ દવે (મો. નં. ૯૮રપ૩ પપ૮૦૭)નું નામની જાહેરાત કરવામાં આવતાની સાથે ઉપસ્થિત આગેવાનો દ્વારા શુભેચ્છાનો ધોધ વરસાવવામાં આવ્યો હતો. તે વખતની ઉપસ્થિત તસ્વીરમાં માધવ દવેને રાજકોટ શહેર અધ્યક્ષની જવાબદારી સોંપવામાં આવતાની સાથે જ મયંકભાઇ નાયક, ડો. માયાબેન કોડનાની, પ્રકાશભાઇ સોની, ભરત બોધરા, ઉદય કાનગડ, કમલેશ મીરાણી, મુકેશ દોશી, વિરેન્દ્રસિંહ ઝાલા, અશ્વિન મોલીયા, નયનાબેન પેઢડીયા, જયમીન ઠાકર, નીલેશ જલુ, અશ્વીન ભોરણીયા, દુર્ગાબા જાડેજા, જયાબેન ડાંગર, હાર્દિક ગોહેલ સહિતના અગ્રણીઓએ શુભેચ્છા પાઠવી હતી. જે નજરે પડે છે. (તસ્વીર : અશોક બગથરીયા)
(1:59 PM IST)
