હેં...વારાણસીમાં ભાજપનો પરાજય 9:51 AM
મનોહર મનોજ- ખુશ્બુ શર્મા- મુન્ના બેટરી- સુમિત મિશ્રા- સુરેશ અલબેલા- હિમાંશુ અલબેલા સર્જશે હાસ્યનું હુલ્લડ
મનપા દ્વારા કાલે હોળીની પૂર્વ સંધ્યાએ રેસકોર્ષ ખાતે હિન્દી હાસ્ય કવિ સંમેલન
રાજકોટઃ મહાનગરપાલિકા દ્વારા હોળી/ધુળેટી પર્વની ઉજવણી અંતર્ગત ‘હિન્દી હાસ્ય કવિ સંમેલન' હોલી કે રંગ હાસ્ય રસ કે સંગનું કવિ શ્રી રમેશ પારેખ રંગદર્શન, રેસકોર્ષ ગ્રાઉન્ડ ખાતે આયોજન કરવામાં આવ્યું છે.
રાજકોટ મહાનગરપાલિકાના મેયર નયનાબેન પેઢડીયા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીન ઠાકર, મ્યુનિસિપલ કમિશનર તુષાર સુમેરા, શાસક પક્ષ નેતા લીલુબેન જાદવ, શાસક પક્ષ દંડક મનિષભાઈ રાડીયા, સમાજ કલ્યાણ સમિતી ચેરમેન સુરેન્દ્રસિંહ વાળા એક સંયુક્ત યાદીમાં જણાવે છે કે, રાજકોટ મહાનગરપાલિકા દ્વારા કાલે તા.૧૨ ના રોજ હોળી/ધુળેટી પર્વની ઉજવણી અંતર્ગત ‘હિન્દી હાસ્ય કવિ સંમેલન' હોલી કે રંગ હાસ્ય રંગ કે સંગ કવિ શ્રી રમેશ પારેખ રંગદર્શન, રેસકોર્ષ ગ્રાઉન્ડ ખાતે રાત્રે ૦૮.૩૦ કલાકે આયોજન કરેલ છે. આ કાર્યક્રમનું દિપ પ્રાગટય વિધાનસભા-૬૮ના ધારાસભ્ય ઉદયભાઈ કાનગડ હસ્તે કરી, કાર્યક્રમનો શુભારંભ કરવામાં આવશે. આ કાર્યક્રમના અધ્યક્ષ સ્થાને મેયર નયનાબેન પેઢડીયા ઉપસ્થિત રહેશે.
મનોહર મનોજ
(કટની-હાસ્ય સમ્રાટ):-
મનોહર મનોજના દિલ્હીના લાલ કિલ્લાના કવિ સંમેલનથી લઈને દેશના તમામ પ્રાંતોની સાથે મુખ્ય ચેનલો પર સતત કવિતા વાંચન કરેલ છે. દેશ-વિદેશમાં મનોહર મનોજનું કાવ્ય પઠન થયેલ છે. મનોહર મનોજના ૬(છ) કાવ્યસંગ્રહો પ્રકાશિત થયેલ છે. મનોહર મનોજ કાવ્ય પરિષદોની દુનિયામાં મોટું નામ ધરાવે છે. તેમની કવિતાઓ, અભિગમ અને શૈલી બધાથી અજોડ છે.
ખુશ્બુ શર્મા (ન્યુ દિલ્હી-
કવિતા અને ગઝલ):-
ખુશ્બુ શર્મા MH1 ન્યૂઝ ચેનલમાં એન્કર તરીકે કામ કરે છે. મુઝફ્ફરનગર (ઉત્તર પ્રદેશ)ની રહેવાસી ખુશ્બુ શર્મા છેલ્લા ૨૪ વર્ષથી સ્ટેજ પર કવિતા સંભળાવે છે. ખુશ્બુ શર્માએ ભારત સહિત દુબઈ, ઓમાન, કતાર, સાઉદી અરેબિયા, બાલી, બેંગકોક, આફ્રિકામાં પણ કવિતા વાંચી છે. ખુશ્બુ શર્માએ પત્રકાર તરીકે અને ઘણી ફિલ્મોમાં ઘણી ભૂમિકાઓ ભજવી છે. જેમાં હિન્દી મીડિયમ, તલવાર, ફુકરે ૨, ફાયર ઇન ધ માઉન્ટેન ફિલ્મોનો સમાવેશ થાય છે. તે ખુશ્બુ શર્માએ ઘણી ટીવી જાહેરાતો અને ન્યૂઝ ચેનલો પરના મોટા કવિતા શોમાં કવિતાઓનું પઠન કર્યું છે. જેમાં, આજતક, જીએનટી, નવભારત ટાઈમ્સ, એબીપી, આર ભારત, ન્યૂઝ ૧૮, દૂરદર્શન, ડીડી ઉર્દુ, ડીડી કિસાન, ઝી સલામ, ઝી ન્યૂઝ, વાહ ભાઈ વાહ, કયા બાત હૈ પર શો કરે છે. અનુરાગ ઠાકુર, રાજનાથ સિંહજી, લાલુ પ્રસાદ યાદવ, મુલાયમ સિંહ, અખિલેશ યાદવ, ચંદ્રબાબુ નાયડુજીના હાથે ખુશ્બુ શર્માનું સન્માન કરવામાં આવ્યું છે.
મુન્ના બેટરી (મંદસૌર-લાફ્ટર):-
મુન્ના બેટરીનું મૂળ નામ અજય સોની છે. તેઓ હિન્દુસ્તાનના હૃદય મધ્યપ્રદેશના વતની છે. પહેલા તેમનો વ્યવસાય બેટરી વેચવાનો હતો. ત્યાંથી તેમને તેમનું સ્ટેજ નામ મુન્ના બેટરી મળ્યું. વર્તમાન મુદ્દાઓ, સામાજિક સમસ્યાઓ અને રમૂજી પરિસ્થિતિ પર તેમની સ્વયંભૂ ટિપ્પણીઓ પ્રખ્યાત છે.
સુમિત મિશ્રા (ઓરછા-દેશભક્તિ વીરરાસ):-
સુમિત મિશ્રા રાષ્ટ્રવાદના કટ્ટર સમર્થક છે અને રાષ્ટ્ર પ્રત્યે સમર્પિત પણ છે. કવિતા પઠન કરવા માટેનો તેમનો રાષ્ટ્રવાદી અભિગમ તેમના હૃદયની લાગણીઓને પ્રતિબિંબિત કરે છે. કવિ સુમિત મિશ્રાએ ઘનાક્ષરી છંદો અને ગીતો દ્વારા પોતાની લાગણીઓ વ્યક્ત કરી હતી. કવિ સુમિત ઓરછા એક ઉત્તમ દિગ્દર્શક પણ છે.
સુરેશ અલબેલા (મુંબઈ-
લાફ્ટર ચેમ્પિયન):-
સુરેશએ પોતાનું બાળપણ અને યુવાનીના શરૂઆતના વર્ષો રાજસ્થાનના નાના શહેર કોટામાં વિતાવ્યું હતું. સુરેશ અલબેલાને કવિતા પ્રત્યે ખૂબ જ લગાવ છે અને તેમણે વિવિધ પ્રેસ રિલીઝ માટે ઘણી બધી કવિતાઓ, શાયરી લખી છે. સુરેશ અલબેલા આજે સમગ્ર ભારતમાં સ્ટેન્ડ અપ કોમેડી અને હાસ્યના અણુ બોમ્બ તરીકે જાણીતા છે.
હિમાંશુ બવંડર
(ઉજ્જૈન-લાફ્ટર):-
હિમાંશુ બવંડર એક ભારતીય હાસ્ય કલાકાર, કવિ અને સ્ક્રિપ્ટ રાઈટર છે. તેઓ ઉજ્જૈન, મધ્યપ્રદેશમાં એક મધ્યમ વર્ગના પરિવારમાં ઉછર્યા હતા. હિમાંશુને તેમના કૉલેજના દિવસોમાં અભિનયનો શોખ હતો, અને તેમણે થિયેટરમાં સક્રિયપણે ભાગ લીધો હતો. ગરવી ગુજરાત નામના એક નાટકમાં હિમાંશુએ મહાન ભારતીય સંત નરસિંહ મહેતાની મુખ્ય ભૂમિકા ભજવી હતી. તેઓ ઉજ્જૈનમાં એક ટ્રાવેલિંગ એજન્સી ગૌરી ટૂર એન્ડ ટ્રાવેલ્સના સ્થાપક છે. કંપનીની સ્થાપના તેમના દ્વારા વર્ષ ૨૦૧૬માં કરવામાં આવી હતી. વર્ષ ૨૦૧૫માં હિમાંશુએ રિયાલિટી ટીવી કોમેડી શો કોમેડી સુપરસ્ટાર(SONY SAB ટીવી પર પ્રસારિત)માં ભાગ લીધો હતો. આ શો માટે પસંદગી પામનાર મધ્યપ્રદેશના એકમાત્ર ઉમેદવાર હિમાંશુએ ટોપ ૫માં પોતાનું સ્થાન બનાવ્યું હતું. આ શોમાં તેના અભિનયને નિર્ણાયકો અને દર્શકોએ એકસરખું પસંદ કર્યું હતું. ત્યારબાદ, તેણે વર્ષ ૨૦૧૭માં ડી.ડી. કિસાનના રિયાલિટી ટીવી કોમેડી શો હસને કા મુખિયા કૌનમાં ભાગ લીધો હતો અને આ શો માં પ્રથમ રનર અપ બન્યા હતા.
રાજકોટ મહાનગરપાલિકાના પદાધિકારીઓ મેયર નયનાબેન પેઢડીયા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીન ઠાકર, મ્યુનિસિપલ કમિશનર તુષાર સુમેરા, શાસક પક્ષ નેતા લીલુબેન જાદવ, શાસક પક્ષ દંડક મનિષભાઈ રાડીયા, સમાજ કલ્યાણ સમિતી ચેરમેન સુરેન્દ્રસિંહ વાળાએ શહેરીજનોને મનોરંજન પૂરું પાડવાના ઉમદા હેતુથી હોળી/ધુળેટી પર્વના ભાગરૂપે આયોજીત હોલી કે રંગ હાસ્ય રંગ કે સંગ હિન્દી હાસ્ય કવિ સંમેલન માણવા ઉમટી પડવા શહેરીજનોને નિમંત્રણ પાઠવેલ છે.
(3:54 PM IST)
