રાજકોટ તા. ૨૬: મોરબીના શનાળા રોડ પર ભુમિ એપાર્ટમેન્‍ટમાં રહેતાં વનીતાબેન બાબુભાઇ કાંજીયા (ઉ.વ.૫૯) નામના વૃધ્‍ધાએ ગઇકાલે સાંજે ઘરે ઘઉંમાં રાખવાની ટીકડીઓ પી લેતાં મોરબી સારવાર અપાવી રાજકોટ ખાનગી હોસ્‍પિટલમાં ખસેડાયા હતાં. પરંતુ આજે અહિ મૃત્‍યુ નિપજતાં પરિવારમાં ગમગીની વ્‍યાપી ગઇ હતી.

ખાનગી હોસ્‍પિટલ મારફત જાણ થતાં માલવીયાનગર પોલીસે કાર્યવાહી કરી મોરબી પોલીસને જાણ કરી હતી. આપઘાત કરનાર વનીતાબેનને સંતાનમાં એક પુત્રી અને એક પુત્ર છે. પતિ નિવૃત જીવન જીવે  છે. વનીતાબેનને સંયુક્‍ત પરિવારમાંથી અલગ થવું હતું. પરંતુ દિકરાએ અલગ થવાની ના પાડતાં કંકાસ થતાં આ પગલુ ભર્યાનું જણાવાયું હતું. મોરબી પોલીસ વધુ તપાસ કરે છે.