રાજકોટઃ શહેરની પીડીયુ સિવિલ હોસ્‍પિટલમાં જુના વોર્ડ નંબર-૧૦ અને એક્‍સ-રે રૂમ નં. ૨૧ની સામે શ્રીરામેશ્વર મહાદેવ મંદિર આવેલુ છે. અગાઉ અપુજ એવા આ મંદિરનો બાદમાં જીર્ણોધ્‍ધાર કરાયો હતો અને તેમાં સમયાંતરે સુધારા વધારા પણ કરવામાં આવ્‍યા છે. અહિ સવારે ચા-નાસ્‍તો પણ આપવામાં આવે છે. જો કે બે દિવસ પહેલા અચાનક જ આ મંદિરની બહાર મોટો ઓટલો ચણી લઇ દબાણ કરી લેવામાં આવ્‍યું હતું. આ મામલે કોઇએ અનામી અરજી કરતાં તબિબી અધિક્ષક ડો. મોનાલી માકડીયા, સિનીયર ડો. મહેન્‍દ્ર ચાવડાએ તુરત જ સિક્‍યુરીટીની ટીમને બોલાવી હતી અને તેમને નોટીસ આપી તત્‍કાળ આ દબાણ દુર કરવાની સુચના આપતાં સિક્‍યુરીટીની ટીમે આજે આ ઓટલાનું દબાણ તોડી પાડયું હતું. તસ્‍વીરમાં મંદિર તથા તોડી પડાયેલા ઓટલાનો કાટમાળ અને સિક્‍યુરીટી ટીમ જોઇ શકાય છે. આ ઓટલો બનાવી દબાણ મંદિર સાથે સંકળાયેલા કોઇએ કર્યુ હતું કે કેમ? તેની તપાસ કરી સિક્‍યુરીટી ટીમ તબિબી અધિક્ષકને રિપોર્ટ કરશે. (ફોટો-અભીજીત બગથરીયા)