રાજકોટ તા.૨૬: ભાવનગર રોડ પર બાળપર ગામમાં રહેતા યુવાને દવા પી આપઘાત કરી લેતા પરિવારમાં શોક વ્‍યાપી ગયો છે.

મળતી વિગત મુજબ બાળપર ગામમાં રહેતા વિક્રમભાઇ ધીરૂભાઇ જલુ (ઉ.૩૫) એ ગઇકાલે પોતાના ઘરે ઝેરી દવા પી લેતા તેને સારવાર માટે રાજકોટની સિવિલ હોસ્‍પિટલમાં ખસેડાયા હતા ત્‍યાં તેનું સારવાર દરમ્‍યાન મોત નિપજયુ હતું. મૃતક વિક્રમભાઇ ત્રણ ભાઇ અને એક બહેનમાં નાના હતા તે ખેતી કરતા હતા તેણે કયા કારણોસર આ પગલુ ભર્યુ તે અંગેનું કારણ જાણવા આજીડેમ પોલીસે તપાસ હાથ ધરી છે.

બેભાન હાલતાં પ્રવિણભાઇનું મોત

ગોંડલ રોડ પર સદ્‌ભાવના વૃધ્‍ધાશ્રમ માં રહેતા પ્રવિણભાઇ ભીખાભાઇ ચોૈહાણ (ઉ.વ. ૫૩) ગઇકાલે આશ્રમમાં હતા. ત્‍યારે અચાનક બેભાન થઇ જતા તેને સારવાર માટે સિવિલ હોસ્‍પિટલમાં ખસેડાયા હતા. ત્‍યાં તેનું સારવાર દરમ્‍યાન મોત નિપજયું હતું. આ અંગે માલવીયાનગર પોલીસે કાર્યવાહી કરી હતી.