રાજકોટ, 2 જૂન, 2025: રાજકોટ શહેરમાં કોવિડ-19 ના કેસોમાં ચિંતાજનક વધારો જોવા મળી રહ્યો છે. ગઈકાલે, 1 જૂન, 2025 ના રોજ શહેરમાં કોરોનાના વધુ 7 નવા પોઝિટિવ કેસ નોંધાયા છે, જેને પગલે કુલ કેસનો આંકડો 44 પર પહોંચી ગયો છે. જોકે, આ વચ્ચે એક રાહતના સમાચાર પણ છે કે, 6 દર્દીઓ કોરોનામુક્ત થતાં તેમને રજા આપવામાં આવી છે. હાલ રાજકોટમાં 38 દર્દીઓ સક્રિય સારવાર હેઠળ છે.
આજે નોંધાયેલા નવા 7 કેસની વિગતવાર માહિતી નીચે મુજબ છે:
 * રામકૃષ્ણનગર વિસ્તારમાં 49 વર્ષીય પુરુષ અને 91 વર્ષીય સ્ત્રી (જેઓ મુંબઈથી પરત ફર્યા હતા) ના કેસ નોંધાયા છે. બંનેએ વેક્સિનના 3 ડોઝ લીધેલ છે અને તેમની હાલત સ્થિર છે.
 * સ્પોડવેલ પાર્ટી પ્લોટ પાસેથી 51 વર્ષીય સ્ત્રીનો કેસ આવ્યો છે, જેઓ જેતપુરથી રાજકોટ આવ્યા હતા. તેમણે પણ વેક્સિનના 3 ડોઝ લીધેલ છે અને હાલ સ્થિર છે.
 * સાધુવાસવાણી રોડ પરથી 73 વર્ષીય સ્ત્રી કોરોના સંક્રમિત થયા છે, જેમણે 2 ડોઝ વેક્સિન લીધેલ છે.
 * ચંદ્રેશનગર વિસ્તારમાં 53 વર્ષીય સ્ત્રીનો કેસ નોંધાયો છે, જેમણે 3 ડોઝ વેક્સિન લીધેલ છે.
 * અયોધ્યા ચોક ખાતેથી 40 વર્ષીય પુરુષ સંક્રમિત થયા છે, જેમણે 2 ડોઝ વેક્સિન લીધેલ છે.
 * હનુમાન મઢી વિસ્તારમાં 43 વર્ષીય પુરુષનો કેસ નોંધાયો છે, જેમણે 2 ડોઝ વેક્સિન લીધેલ છે.
રાજકોટ મહાનગરપાલિકાના આરોગ્ય અધિકારી દ્વારા જણાવાયું છે કે, ઉપરોક્ત તમામ દર્દીઓની હાલત સ્થિર છે અને તેમને જરૂરી સારવાર પૂરી પાડવામાં આવી રહી છે.
19 મે, 2025 થી આજરોજ સુધીમાં રાજકોટમાં કુલ 44 કેસ નોંધાયા છે. જેમાંથી 6 દર્દીઓ સફળતાપૂર્વક કોરોનાને મ્હાત આપી ચૂક્યા છે, જ્યારે 38 દર્દીઓ હાલ સારવાર હેઠળ છે. શહેરમાં કોરોનાના કેસોમાં અચાનક ઉછાળો આવતા આરોગ્ય તંત્ર એલર્ટ મોડ પર આવી ગયું છે અને સંક્રમણને નિયંત્રિત કરવા માટે તમામ જરૂરી પગલાં લઈ રહ્યું છે. રાજકોટ મહાનગરપાલિકા દ્વારા શહેરીજનોને માસ્ક પહેરવા, સામાજિક અંતર જાળવવા અને સેનિટાઈઝરનો ઉપયોગ કરવા સહિતની કોવિડ-19 ગાઈડલાઈન્સનું પાલન કરવા અપીલ કરવામાં આવી છે.