રાજકોટ, 14 જૂન 2025: રાજકોટ શહેરમાં કોરોના વાયરસનું સંક્રમણ ફરી એકવાર માથું ઊંચકી રહ્યું છે. તાજેતરના આંકડા મુજબ, શહેરમાં છેલ્લા 24 કલાકમાં ૧૨ નવા કોવિડ-૧૯ પોઝિટિવ કેસ નોંધાયા છે. આ નવા કેસો સાથે, શહેરમાં કોરોનાના કુલ ૬૧ દર્દીઓ હાલ સારવાર હેઠળ છે. જોકે, રાહતની વાત એ છે કે તા. ૧૯ મે, ૨૦૨૫ થી આજરોજ સુધીમાં કુલ ૯૫ દર્દીઓ કોરોનામુક્ત થઈ સાજા થયા છે.

નવા નોંધાયેલા કેસોની વિગત:
શુક્રવારે નોંધાયેલા ૧૨ નવા કેસોમાં શહેરના વિવિધ વિસ્તારોમાંથી સંક્રમણ સામે આવ્યું છે. તેમાં મોટાભાગના દર્દીઓ સ્થિર હાલતમાં છે અને તેમને હોમ આઇસોલેશન કે જરૂરી સારવાર આપવામાં આવી રહી છે:
 * ૩૧ વર્ષીય મહિલા, બીગ બઝાર પાસે (વોર્ડ 8, ૨ ડોઝ રસી લીધેલ, ટ્રાવેલ હિસ્ટ્રી નથી, સ્ટેબલ)
 * ૨૭ વર્ષીય મહિલા, વસુંધરા સોસાયટી (વોર્ડ 14, ૨ ડોઝ રસી લીધેલ, ટ્રાવેલ હિસ્ટ્રી નથી, સ્ટેબલ)
 * ૧૯ વર્ષીય મહિલા, સ્વપ્નદીપ સોસાયટી (વોર્ડ 4, ૨ ડોઝ રસી લીધેલ, ટ્રાવેલ હિસ્ટ્રી નથી, સ્ટેબલ)
 * ૩૩ વર્ષીય મહિલા, ડ્રીમ સીટી (વોર્ડ 1, ૨ ડોઝ રસી લીધેલ, મુંબઈ ટ્રાવેલ હિસ્ટ્રી, સ્ટેબલ)
 * ૧૫ વર્ષીય પુરુષ, વણકર વાસ (વોર્ડ 11, રસી લીધેલ નથી, ટ્રાવેલ હિસ્ટ્રી નથી, સ્ટેબલ)
 * ૫૧ વર્ષીય મહિલા, હંસરાજનગર (વોર્ડ 3, ૨ ડોઝ રસી લીધેલ, ટ્રાવેલ હિસ્ટ્રી નથી, સ્ટેબલ)
 * ૫૨ વર્ષીય પુરુષ, આત્મીકા પેલેસ હોટલ પાસે (વોર્ડ 3, ૨ ડોઝ રસી લીધેલ, ટ્રાવેલ હિસ્ટ્રી નથી, સ્ટેબલ)
 * ૪૦ વર્ષીય પુરુષ, લક્ષ્મીનગર (વોર્ડ 8, ૩ ડોઝ રસી લીધેલ, ટ્રાવેલ હિસ્ટ્રી નથી, સ્ટેબલ)
 * ૬૦ વર્ષીય મહિલા, ચંદન પાર્ક (વોર્ડ ૯, ૨ ડોઝ રસી લીધેલ, ટ્રાવેલ હિસ્ટ્રી નથી, સ્ટેબલ)
 * ૫૬ વર્ષીય પુરુષ, આલાપ ગ્રીન સીટી (વોર્ડ 1, ૨ ડોઝ રસી લીધેલ, ટ્રાવેલ હિસ્ટ્રી નથી, સ્ટેબલ)
 * ૨૯ વર્ષીય મહિલા, છોટુનગર (વોર્ડ ૯, ૩ ડોઝ રસી લીધેલ, ટ્રાવેલ હિસ્ટ્રી નથી, સ્ટેબલ)
 * ૬૧ વર્ષીય મહિલા, નંદનવન સોસાયટી (વોર્ડ 10, રસી લીધેલ નથી, ટ્રાવેલ હિસ્ટ્રી નથી, સ્ટેબલ)
શહેરમાં કોરોનાના વધતા કેસોને ધ્યાનમાં રાખીને મહાનગરપાલિકાનું આરોગ્ય તંત્ર એલર્ટ મોડ પર આવી ગયું છે અને સંક્રમણને નિયંત્રિત કરવા માટે જરૂરી પગલાં લઈ રહ્યું છે. નાગરિકોને પણ સાવચેતી રાખવા અને કોવિડ પ્રોટોકોલનું પાલન કરવા અપીલ કરવામાં આવી છે.