વિજયભાઇ વીરા...આવા રે પરિયાણ શાને આદર્યા...

(હે...સુના રે ચૌટાને સુની શેરીઓ... સુની દીસે છે રાજકોટની બજાર  રે...)

 

પ્‍લેન ઉડયુ છે અમદાવાદથી ને...

લંડન કેરી લીધી તમે વાટ રે...

-વિજયભાઇ વીરા... આવા તે પરિયાણ...

 

સંદેશ પહોંચ્‍યા છે દિલ્‍હી શહેરમાં

હે ઉડીને આવ્‍યો ભારત કેરો નાથ રે...

-વિજયભાઇ વીરા... આવા તે પરિયાણ...

 

હે.. બહેની રાધિકા કાગળ મોકલે

‘‘પપ્‍પા'' મારા વહેલા એકવાર આવો રે

 -વિજયભાઈ વીરા આવા તે પરિયાણ...

 

સંદેશ પહોંચ્‍યા છે અમેરિકા આંગણે

ઉડીને આવ્‍યો છે કુંવર ‘‘ઋષભ'' આજે રે

-વિજયભાઈ વીરા આવા તે પરિયાણ...

 

અંજલીબહેન રૂવે ધ્રુસકે ધ્રુસકે

ખોવાયો મારો મંગલસૂત્રનો શણગાર રે

-વિજયભાઈ વીરા આવા તે પરિયાણ

 

‘‘વસમી'' વિદાય લાગે વિજયભાઈ ‘‘આપની'' 

આંસૂની કલમે આ કાગળીયો ભીંજાય રે...

-વિજયભાઈ વીરા આવા તે પરિયાણ

 

‘‘માયા'' બાના જાયા આવા રે

પરિયાણ શાને આદર્યા

 

રમણીકભાઇના કુંવર આવા રે

-પરિયાણ શાને આદર્યા?

 

વિજયભાઇ વીરા...આવા રે પરિયાણ શાને આદર્યા...

 

રચયિતાઃ નાથુભાઇ મડીયા

નિવૃત નાયબ ઇજનેર જીઇબી રાજકોટ  (મો. ૯૯૭૮૪ ૦૩૩૨૫)