રાજકોટ તા.૪: ક્રાઇમબ્રાંચને મળેલી પૂર્વ બાતમીના આધારે સંતકબીર રોડ, ગઢીયાનગર શેરી નં.૧માં રહેતા ચિરાગ મીઠાભાઇ લીંબાસીયાને તેના રહેંણાક મકાનમાંથી ૮૧,૩૭૬/-ની કિંમતના દારૂ સાથે ઝડપી લીધો હતો. પોલીસે ૧૮૦ એમએલની ઓકસ્‍મીથ વ્‍હીસકીની ૨૨૯ નાની બોટલો, ઓકસ્‍મીથ ગોલ્‍ડની ૨૪ નાની બોટલો, બ્‍લેક એન્‍ડ વ્‍હાઇટ સ્‍કોચ વ્‍હીસકી ૧૮૦ એમએલની ૮ નાની બોટલો ઉપરાંત સ્‍મીરનઓફ વોડકા એપલ ફલેવર ૧૪ બોટલ, મીન્‍ટ જાંબુન ફલેવર ૫ બોટલ અને સ્‍મીરનઓફ વોડકાની ૭ બોટલ કબ્‍જે કરી દારૂ કેવી રીતે લાવ્‍યો તે અંગે પુછપરછ હાથધરી છે.

આ સફળ કામગીરી ક્રાઇમબ્રાંચના પી.એસ.આઇ. વી.ડી. ડોડીયા, એએસઆઇ અમીત અગ્રાવત, દિગ્‍પાલસિંહ જાડેજા, સંજય રૂપાપરા, દિપક ચોૈહાણ, દિલીપ બોરીચા, રાજેશ જલુ, પ્રદિપસિંહ જાડેજા, જયરાજ કોટીલા, વિશાલ દવે અને ત્રિપદાબેન ભટ્ટે કરી હતી.