મા ભારતનું સંતાન

જેના દિલમાં દેશની દાઝ નથી

નિજ દેશ વિશે અભિમાન નથી

જેને ભારત ભૂ વિશે માન નથી

એ ભારત માનું સંતાન નથી

એને ભારત ભૂ માં સ્‍થાન નથી...

 

હર મંદિર પર્વત પૂજ્‍ય નથી

હર સરિતા જ્‍યાં મા-તુલ્‍ય નથી

જેને દેશની ધૂળ પવિત્ર નથી

એ ભારત માનું સંતાન નથી..એને..

 

પંજાબ સિંધ કે બંગ ગુર્જરી

સહોદર નો જ્‍યાં ભાવ નથી

ગંગા-યમુના સિંધુની સીંચી

ભરત ભૂમિનું ભાન નથી

એ ભારત માનું સંતાન નથી..એને..

 

દેશ હિતના યજ્ઞ મહીં આ,

દેહ હવનના કાષ્‍ટ બને,

છો જીવન ભર રીબાવું પડે,

જ્‍યાં ફરજે જ્ઞાન ઉમેદ નથી

એ ભારત માનું સંતાન નથી...

એને ભારત ભૂ-માં સ્‍થાન નથી...

 

રચનાઃ

વિજય રૂપાણી

(પૂર્વ મુખ્‍યમંત્રીશ્રી, ગુજરાત)