રાજકોટઃ શહેરમાં હેલ્‍મેટના કાયદાની અમલવારી શરૂ કરવામાં આવ્‍યાબાદ ઠેરઠેર પોલીસ-વાહન ચાલકો વચ્‍ચે બબાલ અને આ સામે વાહન ચાલકોમાં રોષ જોવા મળ્‍યો હતો. આ કાયદાને રદ કરવા માટે શહેરના જુદા-જુદા સામાજીક સંગઠનો સહિતના લોકોએ વિરોધ વ્‍યકત કર્યો છે. આજે ત્રીકોણબાગ ખાતે શહેરના જુદા-જુદા સંગઠનોના લોકો અને સામાજીક કાર્યકર કાનાભાઇ કુબાવત તથા સભ્‍યોએ હેલ્‍મેટનો કાયદો શહેરમાંથી રદ કરો, તંત્રનો એક જ નિયમ ખાડામાં ભલે મરો પણ હેલ્‍મેટનો દંડ જરૂરથી ભરો સહિતના બેનરો સાથે વિરોધ કરતા એ-ડીવીઝન પોલીસે મથકના પી.એસ.આઇ. બી.આર. સાવલીયા તથા સ્‍ટાફે ત્રીકોણબાગ પાસેથી પકડી લઇ અટકાયતી પગલા લેવાયા હતા.(તસ્‍વીરઃ અભીજીત બગથરીયા)