રાજકોટઃ રાજકોટ દ્વારા કારડીયા રાજપૂત સમાજની વાડી, મવડી ચોકડી ખાતે છેલ્લા ૧૭ વર્ષથી ચાલતો માતાજીની આરાધનાનો પ્રાચીન ગરબી મહોત્‍સવ આ વર્ષે ૧૮માં વર્ષમાં પ્રવેશ થઈ રહ્યો છે. શ્રી બજરંગ ગરબી મંડળમાં દર વર્ષે બાળાઓ દ્વારા રજુ કરતાં ડાંડીયા રાસ, ટીપ્‍પણી રાસ, ગાગર રાસ અને ભુવા રાસ જેવા અનેક રાસની સાથે આ વર્ષે પણ સ્‍પેશ્‍યલ રાસ સળગતી ઈંઢોણી રાસ પણ ત્રીજા, પાંચમાં અને નવમાં નોરતે રજૂ કરવામાં આવશે. આ વર્ષે પણ ૩૦ જેટલી બાળાઓ દ્વારા આ દરેક રાસ રજૂ કરવામાં આવશે. આયોજનમાં ધમેન્‍દ્રસિંહ ઝાલા (પિન્‍ટુભાઈ-ખાટડી), યુવરાજસિંહ ઝાલા, ધીરજભાઈ સિંધવ, ધર્મેશભાઈ સખીયા, શૈલેષભાઈ ભડીંગજી, હરેશભાઈ સીયાણી, માલદેવસિંહ ચુડાસમા, દેવેન્‍દ્રસિંહ ઝાલા, વિરલભાઈ રાઠોડ, દિવ્‍યરાજસિંહ જાડેજા (રાવકી) તથા અન્‍ય ૪૨ આયોજકોની ટીમે જહેમત ઉઠાવેલ છે.(તસ્‍વીરઃ અભિજીત બગથરીયા)