રાજકોટ તા.૨૪: શહેરના અલગ-અલગ વિસ્‍તારમાં દેશીદારૂના અનેક ગુનામાં સામેલ માલીયાસણના શખ્‍સને પાસામાં ધકેલી દીધો છે.

મળતી વિગત મુજબ શહેરના અલગ-અલગ વિસ્‍તારમાં દેશીદારૂના ગુનામાં સામેલ લાલજી પાંચાભાઇ ગોવાણીને પાસામાં ધકેલવા માટે પીસીબી શાખાના ઇન્‍ચાર્જ પી.આઇ.એમ.આર.ગોંડલીયા તથા પી.આઇ. એમ.જે. હુણ દરખાસ્‍ત કરતા પોલીસ કમિશનર શ્રી બ્રજેશ ઝા એ વોરંટ ઇશ્‍યુ કરતા પીસીબીના પી.એસ.આઇ. પી.બી.ત્રાજીયા, રાજુભાઇ દહેકવાલ તથા ઇન્‍દ્રજીતસિંહ સીસોદીયા સહિતે માલીયાસણગામના લાલજી પાંચાભાઇ ગોવાણી(ઉ.વ.૩૩)ની પાસા હેઠળ અટકાયત કરી વોરંટની બજવણી કરી અમદાવાદ જેલ હવાલે કર્યો હતો.