રાજકોટ : વોર્ડ નં. ૮માં નિર્મલા સ્કુલ રોડ પર આવેલ યોગીનિકેતન પ્લોટ મેઇન રોડ પર ભુગર્ભ ગટરની કુંડીઓ છલકાતા માર્ગો ઉપર ગંદકીની રેલમ છેલ જામી છે. આ રોડ ઉપર ૭ થી ૮ જગ્યાએ કુંડીઓના ગંદા પાણી છલકાયા છે. આ અંગે મહાપાલીકાના તંત્રને ફરીયાદ પણ કરવામાં આવી છે. તેમ છતા આજ સુધી આ સમસ્યાનો ઉકેલ નહીં આવતા લોકોમાં ભારે રોષની લાગણી પ્રસરી છે. રોગચાળો પ્રસરે તે પહેલા યોગી નિકેતન પ્લોટની આ ગંદકીની સમસ્યાનો હલ લાવવામાં આવે તેવી આ રોડ પરના રહેવાસીઓએ માંગણી ઉઠાવી છે. તસ્વીરમાં ભુગર્ભ ગટરની કુંડીઓ છલકાવાથી રોડ ઉપર સર્જાયેલ કમઠાણ નજરે પડે છે.