રાજકોટ તા. ૯: શહેરના હાથીખાના-૧૭માં રહેતાં અને ફલીપકાર્ટમાં ડીલીવરી બોય તરીકે નોકરી કરતાં વસીમભાઇ બશીરભાઇ મકરાણી (ઉ.વ.૩૫) નામના યુવાને રાતે પોતાના હાથમાં છરીથી ઇજા કરી તેમજ ગળાફાંસો ખાઇ આપઘાતનો પ્રયાસ કરતાં તે વખતે જ તેના ભાઇ, મિત્ર સહિતના આવી જતાં જીવ બચાવી લઇ સારવાર માટે ખસડયો હતો.

વસીમભાઇ બે ભાઇમાં મોટો છે. તેના ભાઇના કહેવા મુજબ આર્થિક સંકડામણ ચાલતી હોઇ તેના કારણે તેણે આ પગલુ ભર્યુ હતું. જો કે આ પગલુ ભરતાં પહેલા વસીમભાઇએ તેના ખાસ મિત્રને મેસેજ કર્યો હતો કે-હું આજે આજી ડેમમાં પડી મરવા જાઉ છું, તું શેરીમાં ફુલ લઇને આવજે, થેન્‍કયુ ફોર એવરીથીંગ. આ મેસેજ મિત્રને મળતાં તે ચોંકી ગયો હતો અને તરત જ વસીમભાઇના ભાઇ સહિતને લઇ ઘરે જતાં વસીમભાઇ ગળાફાંસો ખાવાનો પ્રયાસ કરતો જોવા મળતાં તેને બચાવી લીધો હતો. ેતેના હાથમાંથી લોહી પણ નીકળતાં હોઇ તેણે જાતે જ છરી પણ ઝીંકી લીધાનું જણાતાં સારવાર માટે ખસેડયો હતો. હોસ્‍પિટલ ચોકીના સ્‍ટાફે જાણ કરતાં એ-ડિવીઝન પોલીસે કાર્યવાહી કરી હતી.