રાજકોટઃ શહેરના વોર્ડ નંબર ૨ માં શીતલ પાર્કમાં આવેલ ભાજપના કમલમ કાર્યાલયના વેરાબીલની બે વર્ષથી આકારણી ન થઇ હોવાનું કોંગ્રેસ દ્વારા આક્ષેપ કરવામાં આવ્‍યો છે.

કોંગ્રેસે મ્‍યુ.કમિશનરને લખેલ પત્ર મુજબ  મહાનગરપાલિકા દ્વારા વેરા આકારણી કારપેટ એરિયા મુજબ કરવામાં આવી છે. અને દર વર્ષે વેરો ન ભરપાઈ કરે તેવા મિલકત આસામીઓ સામે ૧૮% જેવું તોતિંગ વ્‍યાજ વસૂલવામાં પણ આવે છે. અને વેરો ભરપાઈ ન કરે તો સીલિંગ ઝુંબેશ કરવામાં પણ આવે છે.

પરંતુ  રાજકોટના વોર્ડ નંબર ૨ માં શીતલ પાર્કમાં આવેલ ભારતીય જનતા પાર્ટીનું કમલમ કાર્યાલય ૨૦૨૨ થી કાર્યરત હોવા છતાં આજ સુધી તેને વેરાબીલ આપવામાં જ નથી આવ્‍યું અને આ અંગે જો વેરાબીલની આકારણી થઈ હોય તો મિલકત વેરા આકારણીના નંબર જાહેર કરવા પણ કોંગ્રેસે માંગ કરી છે.(૨.૨૦)