રાજકોટ તા. ૧૪: કોઠારીયા રોડ પર નંદા હોલ નજીક ઘનશ્‍યામનગર-૭માં રહેતાં જાનવીબેન જીજ્ઞેશભાઇ વાવડીયા (ઉ.વ.૪૫) નામના વિધવા મહિલાએ કપડા ધોવાનું લિક્‍વીડ પી આપઘાતનો પ્રયાસ કરતાં સારવાર માટે સિવિલ હોસ્‍પિટલમાં ખસેડાયા છે.

જાનવીબેને જણાવ્‍યું હતું કે તેણીના પતિ હયાત નથી. પોતે રસોડાના કામ કરી ગુજરાન ચલાવે છે. હાલમાં પોતાનું મકાન છે તે આઠ લાખમાં વેંચવા કાઢયું છે પરંતુ પાડોશી શખ્‍સ આ મકાન વેંચવા દેતો નથી અને મફતના ભાવમાં માંગે છે.

તેમજ ખોટી રીતે હેરાન કરી ખોટી ખોટી પોલીસમાં અરજીઓ ફરિયાદ કરી હેરાન કરતો હોઇ કંટાળી જતાં પોતે કપડા ધોવાનું લિક્‍વીડ પી ગયા હતાં.

હોસ્‍પિટલ પોલીસ ચોકીના રામશીભાઇ વરૂ, અમૃતભાઇ મકવાણા સહિતે જાણ કરતાં ભક્‍તિનગર પોલીસે આક્ષેપો અંગે તપાસ હાથ ધરી છે.