જીલ્લા પોલીસવડાની કચેરીએ આજે ‘આપ'ના જીગીશા પટેલે રજુઆત કરી ગણેશ જાડેજાનું નામ સંડોવવાનો પ્રયાસ કર્યો હતો. (ફોટોઃ સંદિપ બગથરીયા)

ગોંડલ તા.૧: ગુજકો દ્વારા ગોંડલ નાં બીલીયાળા, કોલીથડ, જામવાડી અને તાલુકા સંઘમાં હાલ ટેકાનાં ભાવે મગફળીની ખરીદી થઇ રહીછે.અને ખેડુતો વેચાણ કરી રહ્યા છે.ત્‍યારે જોખમાં ગોલમાલના મુદા બાદ અચાનક આ ચારેય ગામ નાં કેન્‍દ્રો દ્વારા ખરીદી બંધ કરાઇ છે.અને સોમવાર નાં કેન્‍દ્રનાં પ્રતિનિધિઓ દ્વારા મામલતદારને આવેદનપત્ર આપવામાં આવ્‍યુ હતું. આ મુદે ગુન્‍હો નોંધવા જીલ્લા પોલીસવડા હિમકરસિંહને પણ રજુઆત કરવામાં આવી હતી. આવું થવાનુ કારણ બે દિવસ પહેલા બિલીયાળા કેન્‍દ્ર પર આપ નાં નેતા જિગીશા પટેલ દ્વારા કરાયેલી દખલખીરી કારણભૂત ગણાઇ રહી છે.

બે દિવસ પહેલા બિલીયાળા ખાતે ટેકા નાં ભાવે મગફળી ખરીદ કેન્‍દ્ર માં પંહોચેલા જિગીશા પટેલે મગફળીનાં જોખ માં ગોલમાલ થઇ રહ્યાનો આક્ષેપ કરી આ અંગે વિડીયો વાયરલ કર્યો હતો. દરમ્‍યાન મોવિયાનાં વિમલભાઈ સોરઠીયાએ રજુઆત કરવા જતા સાત થી આઠ લોકોએ માર માર્યાની ફરિયાદ સાથે સારવાર માટે હોસ્‍પિટલ માં દાખલ થયા હતા. વિમલભાઇનું કહેવું હતુ કે અમને જોખ માં અન્‍યાય થઇ રહ્યો હોય રજુઆત કરવા જતા મારો મોબાઇલ ઝુટવી લઈ મારી ઉપર હુમલો કર્યો હતો.

બીજી બાજુ બિલીયાળા કેન્‍દ્ર નાં પ્રતિનિધિ દિપકભાઈ ઉર્ફ લાલાભાઇ રૂપારેલીયાએ એવુ જણાવ્‍યું કે બિલીયાળા કેન્‍દ્ર પર મગફળીની ખરીદી શાંતિ પુર્વક થઇ રહી હતી.આ સમયે મોવિયા નાં વિમલભાઇ એ પ્રથમ નજીક ની હોટલ પાસે થી રેકી કરી જિગીશા પટેલ ને ફોન કરી બોલાવ્‍યાં હતા.જ્‍યા જિગીશા પટેલે ખોટી રીતે દખલગીરી કરી વાતાવરણ બગાડ્‍યું હતું. અને વિડીયો ઉતાર્યા હતાં.અન્‍ય કોઈ ખેડુતોને કોઈ સમસ્‍યા હતી નહી. માત્ર જિગીશા પટેલે જ ખેડુતો પાસે સસ્‍તી લોકપ્રિયતા મેળવવા હોબાળો કર્યો હતો.

જિગિશા પટેલ નાં ચુંટણી લક્ષી સ્‍ટંટનાં વિરોધમાં ગોંડલ નાં બિલીયાળા, કોલીથડ, જામવાડી અને તાલુકા સંઘનાં ખરીદ કેન્‍દ્રો બંધ કરાયા છે અને જિગીશા પટેલ ની વારંવારની દાદાગીરી સામે આવતીકાલ સોમવારનાં મામલતદારને આવેદનપત્ર અપાશે. વિમલભાઇ સોરઠીયાને માર મારવાની ઘટના અંગે તાલુકા પોલીસે તપાસ હાથ ધરી છે