તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
રમેશભાઇ ટીલાળાની રાજકોટથી ખોડલધામ સુધીની પદયાત્રા
સરદાર વલ્લભભાઇ પટેલની ૧પ૦મી જન્મજયંતિની ઉજવણીના ભાગરૂપે : ર૬ થી ર૮ ડીસેમ્બર સુધી આયોજન : પ્રારંભમાં સંતો, મહંતો, કેબીનેટ અને રાજયકક્ષાના મંત્રીઓ, સાંસદો, ધારાસભ્યો, રાજકીય અગ્રણીઓ, ઉદ્યોગપતિઓ જુદી જુદી સંસ્થાના હોદ્દેદારો ઉપસ્થિત રહશે : સમાપન સમારોહમાં કેન્દ્રીય મંત્રી ડો. મનસુખભાઇ માંડવીયા, નરેશભાઇ પટેલ ઉપસ્થિત રહેશે
રાજકોટ તા.૨૨: સરદાર વલ્લભભાઈ પટેલની ૧૫૦મી જન્મજયંતિની ઉજવણીના ભાગરૂપે સ્વદેશી પદયાત્રાનું ધારાસભ્ય રમેશભાઈ ટીલાળા દ્વારા આયોજન કરવામાં આવેલ છે.
સરદાર પટેલના વિચારો માત્ર સ્મરણ સુધી ના રાખી લોકોના દૈનિક જીવનનો ભાગ બને અને સરદાર પટેલના વિચારોને જીવનમાં ઉતારી સ્વદેશી અપનાવા અને આત્મનિર્ભર ભારતનું નિર્માણ કરવા પદયાત્રાનો ઉદેશ છે.
અખંડ ભારતના શિલ્પી અને લોખંડીપુરુષ સરદાર વલ્લભભાઈ પટેલની ૧૫૦મી જન્મજયંતિની ઉજવણીના ભાગરૂપે, તેમના વિચારો, આદર્શો અને રાષ્ટ્રનિર્માણના સ્વપ્નને જનજન સુધી પહોંચાડવાના ઉદ્દેશ સાથે ‘સરદાર-૧૫૦ સ્વદેશી પદયાત્રા - ૨૦૨૫'નું આયોજન ધારાસભ્ય રમેશભાઈ ટીલાળા દ્વારા કરવામાં આવ્યું છે. આ પદયાત્રા તા. ૨૬ થી ૨૮ ડિસેમ્બર ૨૦૨૫ દરમિયાન રાજકોટથી ખોડલધામ સુધી યોજાશે.
આ પદયાત્રાનો મુખ્ય હેતુ એ છે કે સરદાર પટેલના વિચારો માત્ર સ્મરણ સુધી સીમિત ન રહે, પરંતુ લોકોના દૈનિક જીવનનો ભાગ બને. સરદાર પટેલ માનતા હતા કે ભારતની સાચી શક્તિ તેની એકતા, શિસ્ત, આત્મવિશ્વાસ અને સ્વદેશી વિચારધારામાં છે. આ જ વિચારને આજના સમયના સંદર્ભમાં ફરી જીવંત બનાવવાનો પ્રયાસ આ પદયાત્રા દ્વારા કરવામાં આવી રહ્યો છે.
પદયાત્રા દ્વારા ખાસ કરીને સ્વદેશી વસ્તુઓને વધુમાં વધુ અપનાવવા અંગે જનજાગળતિ ફેલાવવાનો સંકલ્પ લેવામાં આવ્યો છે. સ્થાનિક ઉત્પાદનોનો ઉપયોગ, દેશી ઉદ્યોગોને પ્રોત્સાહન અને વિદેશી નિર્ભરતા ઘટાડવાની ભાવના વિકસે તે આ યાત્રાનો મુખ્ય સંદેશ છે. રમેશભાઈ ટીલાળાના જણાવ્યા મુજબ સ્વદેશી અપનાવવું માત્ર આર્થિક નિર્ણય નહીં, પરંતુ રાષ્ટ્રનિર્માણની જવાબદારી છે.
આ પદયાત્રા દ્વારા પ્રધાનમંત્રી શ્રી નરેન્દ્રભાઈ મોદીના ‘સ્વદેશી અપનાવો - આત્મનિર્ભર ભારત બનાવો'ના સંકલ્પને પણ લોકો સુધી પહોંચાડવામાં આવશે. આત્મનિર્ભર ભારત એટલે દેશ પોતાની જરૂરિયાતો પોતે પૂર્ણ કરે, રોજગાર સર્જન થાય અને ભારત વૈશ્વિક સ્તરે આત્મવિશ્વાસ સાથે ઉભો રહે - આ ભાવનાને જનજન સુધી પહોંચાડવાનો પ્રયાસ કરવામાં આવી રહ્યો છે.
સરદાર પટેલે ૫૬૨ રજવાડાઓનું એકીકરણ કરી ભારતને એકતાના સૂત્રમાં બાંધ્યું હતું. આ પદયાત્રા દ્વારા તેમની આ વિરાસતને સ્મરણમાં રાખી રાષ્ટ્રીય એકતા, સામાજિક સમરસતા, શિસ્ત અને દેશપ્રેમ અંગે જનજાગળતિ લાવવામાં આવશે. યાત્રા દરમિયાન સરદાર પટેલના જીવનપ્રસંગો અને વિચારો લોકો સુધી પહોંચાડવામાં આવશે.
આગામી તા. ૨૬ ના રોજ સવારે ૭:૦૦ વાગ્યે શ્રી સ્વામિનારાયણ ગુરુકુલ - ગોંડલ રોડ, રાજકોટથી પદયાત્રાને રાજકોટ ગુરુકુળના દેવકળષ્ણદાસજી સ્વામી, મુંજકા આશ્રમના સ્વામી પરમાત્માનંદજી, આનંદી આશ્રમ શાપર ના મસ્તરામ બાપુ, રામકળષ્ણ આશ્રમ રાજકોટના સ્વામી નિખીલેશ્વરાનંદજી, અને પૂર્વ કેન્દ્રીય મંત્રી અને રાજકોટ ના સાંસદ પરસોતમભાઇ રૂપાલા પ્રસ્થાન કરાવશે.
આ ઉપરાંત રાજ્યના કેબિનેટ મંત્રીઓ, રાજ્યકક્ષાના મંત્રીઓ, સાંસદો, ધારાસભ્યો, ઉમિયાધામ સીદસરના ચેરમેન મૌલેશભાઇ ઉકાણી, ઉદ્યોગપતિઓ, દરેક સમાજના મંડળો, સેવાભાવી સંસ્થાના હોદેદારો, સહીત અનેક મહાનુભાવો ઉપસ્થિત રહેશે તેમજ મોટી સંખ્યામાં લોકો જોડાશે.
પદયાત્રાના રૂટ પર ગામેગામ પદયાત્રીઓનું સ્વાગત કરવા ઉસ્તાહ પ્રવર્તી રહ્યો છે તા.૨૮ ના રોજ સવારે ૧૦ વાગે માં ખોડલને દિવ્ય ધ્વજારોહણ બાદ પદયાત્રાનું ભવ્ય સમાપન સમારોહ યોજાશે. જેના અધ્યક્ષ તરીકે કેન્દ્રિય મંત્રી ડો. મનસુખભાઇ માંડવિયા ઉપસ્થિત રહેશે તેમજ ઉદ્્ઘાટક તરીકે નરેશભાઇ પટેલ ઉપસ્થિત રહેશે. રમેશભાઈ ટીલાળા દ્વારા નાગરિકોને અપીલ કરવામાં આવી છે કે સરદાર પટેલના વિચારોને જીવનમાં ઉતારી, સ્વદેશી અપનાવી અને આત્મનિર્ભર ભારતના નિર્માણમાં સૌ સહભાગી બનીએ.
(3:26 PM IST)
