તા. ૧૦ નવેમ્બર ર૦ર૪ વિક્રમ સંવત ર૦૮૧ કારતક સુદ - ૯, રવિવાર
શહેરના ૨૯ પે એન્ડ પાર્કિંગનું કોઇ ધણીધોરી થવા તૈયાર નહી!
મનપાની નવી પાર્કિંગ પોલીસીએ કર્યો હરિરસ ખાટો : તંત્ર દ્વારા ત્રણ-ત્રણ વખત ટેન્ડર કર્યા છતા એજન્સીઓ રસહીન
રાજકોટ તા. ૨૫: મનપા દ્વારા ટ્રાફીક સમસ્યાનાં નિવારણ માટે મુખ્ય માર્ગો પર પે એન્ડ પાર્કીંગ વ્યવસ્થા શરૂ કરવામા આવી છે . શહેરમા અંદાજે ૧૦૦ થી વધુ સ્થળે પે એન્ડ પાર્કીંગ સુવીધા ઉપલબ્ધ છે. પરંતુ સરકારની નવી પોલીસીમા પાર્કીંગ ચાર્જમા કમરતોડ વધારો થતા લોકો વધુ પૈસા ખર્ચી પોતાનુ વાહન પે એન્ડ પાર્કીંગમા ંપાર્ક કરવાનુ ટાળી રહયા હોય કોન્ટ્રાકટ રાખનાર એજન્સીને વાહનો ન આવતા નુકસાની વેઠવાનો વારો આવ્યો છે. જેનાં લીધે ૨૯ પે એન્ડ પાકીંગનુ ૩-૩ વખત ટેન્ડર કરવા છતા નવી પોલીસીનાં લીધે કોઇ કોન્ટ્રાકટરે ટેન્ડર ન ભરા તંત્રને ૨૯ પે એન્ડ પાર્કીંગ બંધ કરવા પડે તેવી સ્થિતીનુ નિર્માણ થયુ છે.
શહેરમા પે એન્ડ પાર્કીંગ સુવીધા ઉભી કરતા ખાસ કરીને મુખ્ય બજારોમા દુકાનો ધરાવતા વેપારીઓની મુશ્કેલીનો અંત આવ્યો હતો. પરંતુ થોડા સમયમા જ પાર્કીંગનો કોન્ટ્રાકટ રાખનાર કોન્ટ્રાકટરો દ્વારા ઉઘાડી લુંટ ચલાવવાનુ શરૂકરાતા લોકોમા દેકારો બોલી ગયેલ. જેનાં લીધે સરકાર દ્વારા નવી પાર્કીંગ પોલીસી જાહેર કરેલ. જેની અમલવારી મહાનગર પાલિકાએ શરુ કર્યા બાદ પે એન્ડ પાર્કીંગનાં ટેન્ડરમા મોટા ફેરફારો કરવામા આવેલ અને સાથો સાથ ટુ વ્હીલરથી લઇને હેવી વાહનો સહીતનાં વાહનો પાર્ક કરવા માટે ૧ કલાકથી લઇ ૧ માસ સુધીનાં ચાર્જમા પણ વધારો ઝીકવામા આવ્યો હતો અને મનપાએ નવા નિયમ મુજબ જે વિસ્તારોમા પે એન્ડ પાર્કીંગની મુદત પુર્ણ થઇ હોય તેનાં ટેન્ડર પ્રસિધ્ધ કરેલ. જેની સામે પે એન્ડ પાકશ્નગનાં ચાર્જમા વધારો થતા લોકોએ વધુ પૈસા આપીને વાહનો પાર્ક કરવાનુ ટાળ્યુ હોય તેમ પે એન્ડ પાર્કીંગમા દીવસે ને દીવસે વાહનોની સંખ્યામા ઘટાડો થતા કોન્ટ્રાકટરોને નુકસાની વેઠવાનો વારો આવ્યો હતો અને હવે પછી કોન્ટ્રાકટ ન લેવો તેવુ અમુક કોન્ટ્રાકટરે નકકી કરી લેતા ર૯ પે એન્ડ પાર્કીંગ માટે મહાનગરપાલિકાએ સતત ત્રીજી વખત ટેન્ડર પ્રક્રિયા હાથ ધરી છે.
તંત્રમાથી જાણવા મળેલ વિગત મુજબ ૨૯ પે એન્ડ પાર્કીંગ માટે ત્રીજી વખત ટેન્ડર પ્રક્રીયા હાથ ધરાય છે. પરંતુ આજ સુધી કોઇ કોન્ટ્રાકટરે ટેન્ડર ભર્યુ નથી . જેનાં લીધે જુના કોન્ટ્રાકટરની મુદત પુર્ણ થયા બાદ મુખ્ય બજારોમા આવેલા ર૯ પે એન્ડ પાર્કીંગને તાળા મારવા પડે તેવી દહેશત ઉભી થઇ છે. જેની સામે કોન્ટ્રાકટરો દ્વારા વાહનોનાં ભાડામા ઘટાડો કરવામા આવે તો લોકો પે એન્ડ પાર્કીંગનો ઉપયોગ કરવા પ્રરાય છે તેમ આથી સરકાર દ્વારા અથવા કોર્પોરેશન દ્વારા પે એન્ડ પાર્કીંગગનાં ચાર્જમા ફેરફાર કરવાની જરૂરીયાત ઉભી થઇ છે તેમ જાણકારો કહી રહયા છે. (૩.૧૪)
કયા વાહનોનો કેટલો ચાર્જ
વાહનોના પ્રકાર હાલ લેવાતો
ચાર્જ
દ્વિચક્રીય વાહનો રૂ. ૫ થી રૂ. ૨૫
ત્રિચક્રીય વાહનો રૂ. ૧૦ થી રૂ. ૩૦
મોટર કાર રૂ. ૨૦ થી રૂ. ૮૦
એલસીવી રૂ. ૨૦ થી રૂ. ૧૦૦
હેવી વાહનો રૂ. ૪૦ થી રૂ. ૧૨૦
દ્વિચક્રીય વાહનો રૂ. ૩૫૦
માસિક ફોર વ્હીલ માસીક રૂ. ૬૦૦
અને કોર્મશીયલ
વાહનો
હેવી વાહનો બસ, માસીક રૂ. ૧૨૦૦
ટ્રેકટર
(2:50 PM IST)
