રાજકોટઃ તા.રર, શહેરના મવડી વિસ્‍તારમાં આવેલ લાલુભાઇ પારેખ ટાઉનશીપના શોપીંગ સેન્‍ટરની ૧૦ દુકાનો ની ગઇકાલે જાહેર હરરાજી કરવામાં આવતા રૂા.ર૯૬.૩૦ લાખની આવક થવા પામી  છે. આ અંગે મનપાની એસ્‍ટેટ શાખાના મેનેજર મેહુલ ગાંધી સતાવાર  જણાવ્‍યા મુજબ મહાનગર પાલિકા દ્વારા લાલુભાઇ પારેખ ટાઉનશીપ ટી.પી. સ્‍ક્રમ ર૭ મવડીના પ્‍લોટ નં. પ૧ બી, ખાતે વેસ્‍ટ ઝોન પેકેજ-પ હેઠળ તૈયાર થયેલ લાલુભાઇ પારેખ ટાઉનશીપ શોપીંગ સેન્‍ટરની કુલ-૧૦ દુકાનો જાહેર હરરાજી તા. ર૧ જાન્‍યુ. ના રોજ યોજાઇ હતી.

આ જાહેર હરરાજીમાં ૧૦ દુકાનોની હરરાજી કરવામાં આવેલ. જેમાં તમામ દુકાનોની અપસેટ કિંમત રૂા.૧૮પ.૩૦ લાખ રાખવામાં આવેલ જેની સામે હરરાજીની કિંમત રૂા. ર૯૬.૩૦ લાખ આવેલ, આ જાહેર હરરાજીમાં કુલ-૧૦૦ થી વધુ નાગરિકો જોડાયા હતા.