તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
સંગઠન કુશળતા અને સમાજ સેવાનો સમન્વયઃ રાજકોટ જિલ્લા ભાજપના પૂર્વ મહામંત્રી મનીષ ચાંગેલાનો આવતીકાલે ૫૭મા વર્ષમાં મંગલ પ્રવેશ
સાડા ત્રણ દાયકાથી ભાજપ અને પાટીદાર સમાજ વચ્ચે અતૂટ કડી સમાન મનીષભાઈ ૨૫મી જાન્યુઆરીએ જન્મદિવસ ઉજવશે : સંગઠનની પાયાની કામગીરીથી લઈ વિશ્વ ઉમિયા ફાઉન્ડેશન સુધીના સેવાકાર્યોમાં નોંધપાત્ર પ્રદાન
રાજકોટ, તા. ૨૪ : પોતાની આગવી કોઠાસૂઝ, ધૈર્ય અને કાર્ય પ્રત્યેની કટિબદ્ધતાને કારણે રાજકીય અને સામાજિક ક્ષેત્રે આગવું સ્થાન મેળવનારા રાજકોટ જિલ્લા ભાજપના પૂર્વ મહામંત્રી મનીષભાઈ ચાંગેલા રવિવાર, ૨૫ જાન્યુઆરી ૨૦૨૬ના રોજ ૫૭મા વર્ષમાં પ્રવેશ કરી રહ્યા છે. ૨૫ જાન્યુઆરી ૧૯૭૦ના રોજ જન્મેલા મનીષભાઈએ યુવાવસ્થાથી જ પાટીદાર સમાજના ઉત્કર્ષ અને રાષ્ટ્રસેવા માટે પોતાનું જીવન સમર્પિત કર્યું છે.
સાડા ત્રણ દાયકાની સમર્પિત જાહેર જીવનની સફરઃ મનીષભાઈ ચાંગેલા છેલ્લા ૩૫ વર્ષથી જાહેર જીવનમાં સક્રિય છે. ભાજપ સંગઠનમાં તેમણે મીડિયા ઇન્ચાર્જ, કોષાધ્યક્ષ અને મહામંત્રી જેવી મહત્વની જવાબદારીઓ સફળતાપૂર્વક નિભાવી છે. ખાસ કરીને ધોરાજી-ઉપલેટા બેઠકના ચૂંટણી ઇન્ચાર્જ, જસદણ-વીંછીયા અને મોરબી-માળિયાની પેટાચૂંટણીમાં તેમની સક્રિયતા અને સંગઠનાત્મક કુનેહની નોંધ પ્રદેશ નેતળત્વએ પણ લીધી છે. સ્વામી વિવેકાનંદ યુવા વિકાસ યાત્રાને સફળ બનાવવામાં પણ તેમનું મોટું યોગદાન રહ્યું છે.
પાટીદાર સમાજ અને સંગઠન વચ્ચેની મજબૂત ધરીઃ માત્ર રાજકીય જ નહીં, પરંતુ સામાજિક ક્ષેત્રે પણ મનીષભાઈએ મજબૂત ભાત પાડી છે. તેઓ પાટીદાર સમાજ અને ભાજપ વચ્ચેની એક અતૂટ ધરી સમાન છે. અમદાવાદમાં નિર્માણ પામનાર રૂ. ૧૫૦૦ કરોડના શ્નવિશ્વ ઉમિયા ફાઉન્ડેશનઙ્ખ અને સોલા ઉમિયાધામના રૂ. ૩૫૨ કરોડના પ્રોજેક્ટમાં તેઓ સક્રિયપણે જોડાયેલા છે. આ ઉપરાંત, ઊંઝા ઉમિયા માતાજી મંદિર સંસ્થાનના પૂર્વ કારોબારી સભ્ય, સીદસર અને ગાંઠીલા ઉમિયાધામમાં સેવાઓ તથા અમદાવાદના ૯૦ વર્ષ જૂના કે.પી. વિદ્યાર્થી ભવનમાં સૌરાષ્ટ્રના એકમાત્ર ટ્રસ્ટી તરીકે તેઓ સેવા આપી ચૂકયા છે.
‘સ્વ'કરતા ‘સવ'ને પ્રાધાન્ય હાલમાં રાજકોટ જિલ્લા ભાજપના મહામંત્રી તરીકે સંગઠનને છેવાડાના ગામ સુધી મજબૂત કરવામાં વ્યસ્ત મનીષભાઈ હંમેશા શ્નસ્વઙ્ખ કરતા શ્નસર્વઙ્ખના કલ્યાણને કેન્દ્રમાં રાખીને કાર્ય કરવામાં માને છે. રવિવારે તેમના જન્મદિવસ નિમિત્તે ભાજપના કાર્યકરો, પાટીદાર સમાજના આગેવાનો અને શુભેચ્છકો દ્વારા તેમને મોબાઈલ નંબર ૯૮૨૫૨ ૯૫૧૩૩ અને ૯૭૧૨૯ ૯૫૧૩૩ પર શુભેચ્છાઓનો ધોધ વહી રહ્યો છે.
શુભેચ્છા સંદેશ ‘‘સંગઠનની કુનેહ અને સમાજ સેવાના પર્યાય મનીષભાઈ ચાંગેલાને ૫૭મા વર્ષમાં પ્રવેશ બદલ ખૂબ ખૂબ શુભેચ્છાઓ. આપનું આયુષ્ય દીર્ઘાયુ અને આરોગ્યપ્રદ રહે તેવી પ્રાર્થના.''
(10:37 AM IST)
