રાજકોટ,તા.ર૧: રંગીલા રાજકોટમાં અત્‍યારથી જ ઉનાળા એ આકરા તેવર બતાવવાનું શરૂ કરી દીધું છે. આજે બપોરે ૨:૩૦ વાગ્‍યે શહેરનું તાપમાન ૩૬ ડિગ્રી સેલ્‍સિયસ નોંધાતા રાજકોટવાસીઓએ કાળઝાળ ગરમીનો અનુભવ કર્યો હતો.

 બપોરના સમયે સૂર્યનારાયણના આકરા પ્રકોપને કારણે રસ્‍તાઓ પર ટ્રાફિક ઓછો જોવા મળ્‍યો હતો.

 ગરમીની સાથે ૧૦ કિમી/કલાકની ઝડપે ફૂંકાતા પવનને કારણે લોકોએ લૂનો અનુભવ કર્યો હતો.

  શિયાળાની વિદાય સાથે જ તાપમાનમાં થયેલા અચાનક વધારાએ શહેરીજનોને અકળાવી મૂકયા છે. બપોરે તાપમાનનો પારો ૩૬ ડિગ્રીને પાર કરી જતાં રાજકોટમાં ઉનાળાની વહેલી એન્‍ટ્રી થઈ હોય તેવો માહોલ સર્જાયો છે.