તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
નાના મવા શ્યામનગરમાં ૩૯ વર્ષના જતીનભાઇનું હૃદય બેસી જતાં મૃત્યુ
મોડી રાતે સારવાર માટે ખસેડાયા પણ દમ તોડી દીધો
રાજકોટ તા. ૨૭: હૃદય રોગના હુમલાથી વધુ એક યુવાનનું મૃત્યુ થયું છે. નાના મવા રોડ શ્યામનગરમાં રહેતાં ઓગણચાલીસ વર્ષના યુવાન ઘરે એકાએક બેભાન થઇ જતાં સિવિલ હોસ્પિટલમાં ખસેડાયેલ. પરંતુ અહિ સારવારમાં દમ તોડી દેતાં પરિવારમાં ગમગીની વ્યાપી ગઇ હતી.
જાણવા મળ્યા મુજબ શ્યામનગરમાં રહેતાં જતીનભાઇ નારણભાઇ ઝાપડીયા (ઉ.વ.૩૯) રાતે બે વાગ્યે ઘરે બેભાન થઇ જતાં સિવિલ હોસ્પિટલમાં ખસેડાયા હતાં. પરંતુ અહિ ટુંકી સારવારને અંતે મૃત્યુ થતાં હોસ્પિટલ ચોકીના સ્ટાફે માલવીયાનગર પોલીસને જાણ કરી હતી. હાર્ટએટેક આવી ગયાનું સગાએ જણાવ્યું હતું. મૃતક જતીનભાઇ બે ભાઇમાં નાના અને અપરિણીત હતાં.
(4:04 PM IST)
