રાજકોટ: શહેરમાં કાયદો અને વ્યવસ્થાને મજબૂત બનાવવા માટે પોલીસ દ્વારા સતત કાર્યવાહી કરવામાં આવી રહી છે. આ જ ક્રમમાં, DCP જગદીશ બંગારવા દ્વારા ભગવતીપરા વિસ્તારમાં સક્રિય ઈભલા ગેંગ સામે ગુજસીટોક હેઠળ કડક પગલાં લેવામાં આવ્યા છે.
પોલીસની આ કાર્યવાહી દરમિયાન ગેંગનો મુખ્ય સભ્ય ઈભલો હાલ જેલમાં છે, જ્યારે તેનો ભાઈ ફિરોઝ ઉર્ફે ફિર્યો હાલ ફરાર હોવાનું જાણવા મળ્યું છે. ફરાર આરોપીની શોધખોળ માટે પોલીસે તીવ્ર કાર્યવાહી શરૂ કરી છે અને વિવિધ ટીમોને કામે લગાડવામાં આવી છે.
આ કાર્યવાહી શહેરમાં વધતા ગુનાખોરીના બનાવોને રોકવા અને લોકોમાં સુરક્ષાની લાગણી મજબૂત કરવા માટે મહત્વપૂર્ણ માનવામાં આવી રહી છે. DCP બંગારવા દ્વારા લેવામાં આવેલા આ પગલાંથી અન્ય ગુનેગાર તત્વોમાં પણ ભયનો માહોલ સર્જાયો છે.
પોલીસ વિભાગે સ્પષ્ટ કર્યું છે કે શહેરમાં શાંતિ જળવાઈ રહે તે માટે આવી કાર્યવાહી આગળ પણ ચાલુ રહેશે અને કોઈપણ ગુનેગારને બક્ષવામાં નહીં આવે.