૧૯૭૧ના યુદ્ધના મહાનાયક ‘સેમ બહાદુર'ના અદમ્ય સાહસ અને નેતૃત્વને રક્ષા મંત્રી અને સેનાની સલામ
ભારતના પ્રથમ ફિલ્ડમાર્શલ સેમ માણેકશાની ૧૧૨મી જન્મજયંતિ નિમિત્તે દેશે અર્પણ કરી શ્રદ્ધાંજલિ : ભારતીય લશ્કરના ગૌરવ ફિલ્ડમાર્શલ સેમ માણેકશાને તેમની ૧૧૨મી જન્મજયંતિએ રાષ્ટ્રનું નમન
રાજકોટ, તા.૩: સમગ્ર ભારત દેશ આજે પોતાના વીર સપૂત અને ભારતીય સૈન્યના પ્રથમ ફિલ્ડ માર્શલ સેમ માણેકશાની ૧૧૨મી જન્મજયંતિની ગર્વભેર ઉજવણી કરી રહ્યો છે.
રક્ષા મંત્રી અને ભારતીય સેનાની વિવિધ પાંખો દ્વારા આ મહાન યોદ્ધાને ભાવભીની શ્રદ્ધાંજલિ અર્પણ કરવામાં આવી રહી છે.
૩ એપ્રિલ, ૧૯૧૪ના રોજ પંજાબના અમળતસરમાં જન્મેલા સેમ માણેકશા, જેઓ દેશભરમાં સેમ બહાદુર તરીકે અત્યંત લોક-યિ છે, તેમનું ભારતીય સૈન્યના ઇતિહાસમાં સર્વોચ્ચ અને અમૂલ્ય સ્થાન છે. તેઓ એક અસાધારણ સૈનિક હતા જેમણે પોતાની અદભુત બહાદુરી, અજોડ નેતળત્વ ક્ષમતા અને હાજરજવાબીપણાથી દેશને અનેક નિર્ણાયક જીત અપાવી હતી.
સેમ માણેકશાએ વર્ષ ૧૯૬૯ થી ૧૯૭૩ સુધી ભારતીય સેનાના ચીફ ઓફ આર્મી સ્ટાફ (સેનાધ્યક્ષ) તરીકે સેવા આપી હતી. તેમની સૌથી મોટી સિદ્ધિ વર્ષ ૧૯૭૧ના ભારત-પાકિસ્તાન યુદ્ધમાં જોવા મળી હતી. આ માત્ર ૧૩ દિવસ ચાલેલા ઐતિહાસિક અને રોમાંચક યુદ્ધમાં તેમના કુશળ નેતળત્વ હેઠળ ભારતે પાકિસ્તાન પર ભવ્ય વિજય મેળવ્યો હતો. તેમની આ અપ્રતિમ સેવા અને શૌર્યની કદર રૂપે વર્ષ ૧૯૭૩માં તેમને ભારતના પ્રથમ ફિલ્ડ માર્શલના સર્વોચ્ચ અને દુર્લભ પદથી સન્માનિત કરવામાં આવ્યા હતા.
તેમની ૧૧૨મી જન્મજયંતિના પાવન અવસરે દેશના રક્ષા મંત્રી રાજનાથ સિંહે ડિજિટલ પ્લેટફોર્મ પર તેમને શ્રદ્ધાંજલિ આપતા જણાવ્યું હતું કે, ફિલ્ડ માર્શલ સેમ માણેકશા ભારતના લશ્કરી ઇતિહાસમાં એક વિરાટ વ્યક્તિત્વ હતા. તેમના અસાધારણ નેતળત્વ, હિંમત અને વ્યૂહાત્મક -તિભાએ રાષ્ટ્ર માટે નિર્ણાયક ક્ષણોને આકાર આપ્યો હતો. સેમ બહાદુર સાચા અર્થમાં સૈનિકોના જનરલ હતા, જેમણે પોતાના સૈનિકોનો અતૂટ વિશ્વાસ અને ભારે પ્રશંસા મેળવી હતી. તેમની શૌર્યતા, પ્રામાણિકતા અને કર્તવ્યનિષ્ઠાનો ભવ્ય વારસો આવનારી અનેક પેઢીઓને પ્રેરણા આપતો રહેશે.
આ ઉપરાંત, ભારતીય વાયુસેના અને ભારતીય ભૂમિસેના દ્વારા પણ તેમના સત્તાવાર માધ્યમો પરથી દેશના આ મહાન રક્ષકને યાદ કરવામાં આવ્યા છે.
વાયુસેનાએ તેમને અસાધારણ હિંમત, તીક્ષ્ણ બુદ્ધિ અને અજોડ નેતળત્વ ધરાવતા યોદ્ધા ગણાવ્યા છે, જેમણે અદભુત સ્પષ્ટતા અને દ્રઢ વિશ્વાસ સાથે સૈન્યના ઇતિહાસની નિર્ણાયક ક્ષણોનું ઘડતર કર્યું હતું.
આજના આ વિશેષ દિવસે, સમગ્ર રાષ્ટ્ર મિલિટરી ક્રોસ વિજેતા એવા સેમ બહાદુરના અનન્ય યોગદાન અને તેમના અદમ્ય સાહસને નમન કરી રહ્યું છે અને તેમની વીરતાની ગાથાઓને ગર્વથી યાદ કરી રહ્યું છે.
(2:12 PM IST)
