રાજકોટ તા. ૬:  શહેરમાં દારૂબંધીના કાયદાનો કડક અમલ કરાવવા માટે સ્‍ટેટ મોનિટરિંગ સેલ-એસએમસી દ્વારા એક મોટી સફળતા મેળવવામાં આવી છે. એસ.એમ.સી.ના પીએસઆઈ જે. એચ. સિસોદિયા અને તેમની ટીમ દ્વારા રાજકોટ-ભાવનગર હાઈવે પર આવેલા હલેન્‍ડા ગામ પાસે આવેલી તુલસી હોટેલના ર્પાકિંગમાં દરોડો પાડવામાં આવ્‍યો છે.  દરોડા દરમિયાન ર્પાકિંગમાં પડેલી એક શંકાસ્‍પદ ટ્રકમાંથી મોટા -માણમાં ભારતીય બનાવટનો વિદેશી દારૂ  મળી આવ્‍યો હતો. દારૂ છુપાવવા માટે ટ્રકમાં ડિટરજન્‍ટ પાઉડરની આડ લેવામાં આવી હતી.

પોલીસે વિદેશી દારૂની બોટલોઃ ૫૨૮૦ બોટલ રૂા. ૬૩,૧૪,૪૦૦ની અને ટ્રક યુપી૨૧ઇટી-૭૦૧૯ રૂા. ૨૦,૦૦,૦૦૦,, મોર લાઈટ લિક્‍વિડ ડિટરજન્‍ટ બેગ ૨,૩૪૦ નંગ  રૂા. ૧૪,૦૧,૬૬૦ની મળી કુલ મુદ્દામાલ ૯૭,૧૬,૦૬૦નો કબ્‍જે કર્યો છે. આ દરોડામાં કોઇ આરોપી મળ્‍યા નથી. ટ્રક નંબરને આધારે ડ્રાઇવર, જથ્‍થો મંગાવનાર, મોકલનાર, ટ્રક માલિક સામે ગુનો દાખલ કરાયો છે. આગળની તપાસ આજીડેમ પોલીસને સોંપાઇ છે.