રાજકોટ તા. ૬: નાના મવા રોડ રાજનગર પાસે મેઘમાયાનગર-૩માં રહેતો ઉમીન મહેશભાઇ સોલંકી (ઉ.વ.૧૬) સવારે એસટી બસ પોર્ટમાં પ્‍લેટફોર્મ નં. ૧૦-૧૧ ઉપર હતો ત્‍યારે રાજકોટ-મુન્‍દ્રા રૂટની બસની ઠોકરે આવી જતાં ઇજા થતાં સારવાર માટે દાખલ કરાયો છે. ઉમીન ધોરણ-૧૦માં અભ્‍યાસ કરે છે. તેના પિતા મજુરી કરે છે. પોતે માતા દક્ષાબેન, પિતા મહેશભાઇ, ભાઇ ધાર્મિક સાથે સુરેન્‍દ્રનગર જતો હતો ત્‍યારે આ બનાવ બન્‍યો હતો. હોસ્‍પિટલ ચોકીના સ્‍ટાફે એ-ડિવીઝન પોલીસને જાણ કરી હતી.