તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મનપા તંત્ર એક્શનમાં: ભગતસિંહ ગાર્ડન પાસે હાઉસિંગ બોર્ડના ક્વાર્ટર્સ જર્જરિત હાલતમાં:નોટીસ
તાકિદે રીપેરીંગ કે ખાલી નહિ કરાઇ તો પાણી અને વિજળી બંધની કાર્યવાહી કરાશેઃ ચેતવણી બોર્ડ લગાવાયા
રાજકોટઃ તા.૯,વોર્ડ નં. ૧૦,યુનિવર્સિટી રોડ વિસ્તારમાં ભગતસિંહ ગાર્ડન પાસે આવેલ ગુજરાત હાઉસિંગ બોર્ડ (GHB) ના ક્વાર્ટર્સ અત્યંત જર્જરિત તથા ભયગ્રસ્ત હાલતમાં આવેલ છે. આ બાબતે મહાનગરપાલિકા દ્વારા સંબંધિત રહેવાસીઓ/આસામીઓને અગાઉ વિવિધ તબક્કે કાયદેસરની નોટિસો પાઠવવામાં આવેલ છે તેમજ સ્થળ પર ભયગ્રસ્ત મિલકત અંગેના ચેતવણી બોર્ડ પણ લગાવવામાં આવેલ છે.
ક્વાર્ટર્સ અંગે કરવામાં આવેલ ટેકનિકલ તપાસ અને સ્ટ્રક્ચરલ સ્ટેબિલિટી રિપોર્ટ મુજબ ઇમારતો માનવ વસવાટ માટે અયોગ્ય તથા જોખમી હાલતમાં હોવાનું નોંધાયેલ છે. ચોમાસાની ઋતુ નજીક હોય અને ભારે વરસાદ, પવન કે અન્ય કુદરતી પરિસ્થિતિઓ દરમિયાન જાનમાલને નુકસાન થવાની સંભાવના રહેલી છે.
આથી જાહેરજનતા તથા સંબંધિત રહેવાસીઓના ધ્યાનાર્થે જણાવવામાં આવે છે કે ઉપરોક્ત ભયગ્રસ્ત ક્વાર્ટર્સ અંગે રાજકોટ મહાનગરપાલિકા દ્વારા આગામી દિવસોમાં પાણીના જોડાણો બંધ કરવાની કાર્યવાહી હાથ ધરવામાં આવનાર છે. તેમજ વીજ પુરવઠો બંધ કરવા બાબતે સંબંધિત વિભાગને જરૂરી ભલામણ કરવામાં આવનાર છે
(3:11 PM IST)
