રાજકોટ તા. ૧૨: આજી વસાહત પાસે આંબેડકરનગર-૧૪માં રહેતાં કિશન પુંજાભાઇ પરમાર (ઉ.વ.૩૧) પર વિસ્‍તારમાં જ રહેતાં વૈશાલીબેન ચાવડા,  પ્રકાશભાઇ ચાવડા અને  વિજયભાઇએ હુમલો કરી ધોકાથી માર મારતાં માતા ચંપાબેન પુંજાભાઇ પરમાર (ઉ.વ.૫૪) વચ્‍ચે પડતાં તેના ઉપર પણ હુમલો કરવામાં આવતાં બંને મા-દિકરાને સિવિલ હોસ્‍પિટલમાં ખસેડાયા હતાં. બનાવની જાણ હોસ્‍પિટલ ચોકીના સ્‍ટાફે આજીડેમ પોલીસને કરી હતી. ચંપાબેનના કહેવા મુજબ તેના દિકરા સાથે પહેલા આ લોકોએ માથાકુટ કરી માર માર્યો હતો. બાદમાં પોતે સમજાવવા જતાં પોતાના ઉપર પણ હુમલો થયો હતો. પોલીસે વધુ તપાસ હાથ ધરી છે