તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ગુરૂવારથી શ્રાવણ મહિનાનો શુભારંભ શિવ મંદિરોમાં ભક્તિનો જયજયકાર
પ્રથમ જ્યોર્તિલિંગ શ્રી સોમનાથ મહાદેવ,જ્યોર્તિલિંગ શ્રી નાગેશ્વર મહાદેવ દ્વારકા, વાંકાનેર શ્રી જડેશ્વર મહાદેવ, જસદણ શ્રી ઘેલા સોમનાથ મહાદેવ સહિત રાજકોટના તમામ શિવાલયોમાં જલાભિષેક, રુદ્રાભિષેક અને મહા આરતીનું આયોજનઃ સોમવારના વ્રત માટે ભક્તોમાં ઉત્સાહ : તંત્ર દ્વારા ખાસ વ્યવસ્થા
રાજકોટ, તા.૧૦: હિંદુ પંચાંગ મુજબ વર્ષનો સૌથી પવિત્ર અને શિવભક્તિનો મહિનો ગણાતા શ્રાવણ મહિનાનો પ્રારંભ આ ગુરૂવારથી થવા જઈ રહ્યો છે. શ્રાવણ મહિનાને ભગવાન શિવનો પ્રિય મહિનો માનવામાં આવે છે. એટલે જ આખો મહિનો ગુજરાતભરમાં ઉપવાસ, વ્રત, પૂજા-પાઠ અને મંદિરોમાં ભક્તોની ભીડ જોવા મળે છે.
આ વર્ષે પણ ગુરૂવારથી શરૂ થતા શ્રાવણ મહિનાને લઈને સૌરાષ્ટ્ર અને કચ્છના તમામ શિવ મંદિરોમાં ભવ્ય તૈયારીઓ કરવામાં આવી છે. પ્રથમ જ્યોર્તિલિંગ શ્રી સોમનાથ મહાદેવ પ્રભાસ પાટણ, બાર જ્યોર્તિલિંગમાં સ્થાન ધરાવતા શ્રી નાગેશ્વર મહાદેવ દ્વારકા, વાંકાનેરનું પ્રાચીન શ્રી જડેશ્વર મહાદેવ અને જસદણ પાસે આવેલું લોકપ્રિય શ્રી ઘેલા સોમનાથ મહાદેવ સહિત રાજકોટ, જામનગર, મોરબી, ભુજના દરેક શિવ મંદિરોમાં ઓમ નમઃ શિવાય ના નાદથી વાતાવરણ ગુંજી ઉઠશે.
સમગ્ર વિશ્વમાં પ્રસિદ્ધ પ્રથમ જ્યોર્તિલિંગ શ્રી સોમનાથ મહાદેવ પ્રભાસ પાટણ મંદિરમાં શ્રાવણને લઈને સૌથી મોટું આયોજન છે. મંદિર ટ્રસ્ટ દ્વારા જાણકારી આપવામાં આવી કે બુધવારથી દરરોજ સવારે ૪:૦૦ વાગ્યે મંગળા આરતી, સવારે ૭:૦૦ વાગ્યે મહા આરતી અને રાત્રે ૭:૩૦ વાગ્યે સંધ્યા આરતી કરવામાં આવશે.
આખો મહિનો દર ૨ કલાકે રુદ્રાભિષેક થશે. સોમવારે વિશેષ મહા રુદ્રાભિષેક અને હવનનું આયોજન છે. ભક્તો માટે પ્રસાદ, પીવાના પાણી અને બેસવાની વ્યવસ્થા વધારવામાં આવી છે. સુરક્ષા માટે સીસીટીવી અને પોલીસ બંદોબસ્ત ગોઠવવામાં આવ્યો છે.
દ્વારકાથી ૧૭ કિમી દૂર આવેલા જ્યોર્તિલિંગ શ્રી નાગેશ્વર મહાદેવ- નાગેશ્વર ધામમાં પણ શ્રાવણની રોનક જોવા મળશે. અહીં દર સોમવારે સવારે મહા આરતી બાદ અભિષેક કરવામાં આવશે. દ્વારકા આવતા યાત્રિકો માટે ટ્રસ્ટ દ્વારા ભોજનાલય અને રહેવાની સુવિધા પણ ઉપલબ્ધ કરાવવામાં આવી છે.
વાંકાનેરથી ૮ કિમી દૂર મચ્છુ નદીના કિનારે આવેલું શ્રી જડેશ્વર મહાદેવજીનુ પ્રાચીન મંદિર ૫૦૦ વર્ષથી પણ જૂનું છે. સ્થાનિક માન્યતા છે કે અહીં સ્વયંભૂ શિવલિંગ પ્રગટ થયું છે. શ્રાવણમાં અહીં રાત્રિ દરમિયાન પણ ભક્તોની ભીડ રહે છે. મંદિર ટ્રસ્ટ દ્વારા દર સોમવારે ભજન સંધ્યા, ભંડારા અને સાંસ્કળતિક કાર્યક્રમોનું આયોજન કરવામાં આવ્યું છે. આસપાસના ૫૦ ગામના ભક્તો અહીં જલાભિષેક માટે આવે છે.
જસદણથી ૧૨ કિમી દૂર ઘેલા નદીના કિનારે આવેલા શ્રી ઘેલા સોમનાથ મહાદેવ મંદિરને સૌરાષ્ટ્રનું નાનું સોમનાથ કહેવાય છે. અહીંનું શિવલિંગ પણ સ્વયંભૂ છે.
શ્રાવણના દર સોમવારે અહીં મેળા જેવો માહોલ રહે છે. ટ્રસ્ટ દ્વારા ભક્તો માટે પ્રસાદની વ્યવસ્થા કરવામાં આવી છે.
રાજકોટ શહેરના ભુતનાથ મહાદેવ, રામનાથપરાના મહાદેવ, કાલાવાડ રોડના કાશી વિશ્વનાથ મંદિર, ગોંડલના નવલખા મહાદેવ અને ઉપલેટાના ગોપીનાથ મહાદેવમાં પણ ખાસ પૂજાનું આયોજન છે.
રાજકોટ મહાનગરપાલિકા દ્વારા મુખ્ય મંદિરોની આસપાસ સફાઈ, પીવાના પાણી અને લાઈટિંગની વ્યવસ્થા કરવામાં આવી છે.
શ્રાવણ શરૂ થતા રાજકોટ સહિત સૌરાષ્ટ્રના તમામ શહેરોમાં બજારો ગાજી ઉઠી છે. બિલીપત્ર, ધતૂરા, આંકડાના ફૂલ, ગંગાજળ, રૂદ્રાક્ષની માળા અને શિવલિંગની માંગ વધી છે. ફરાળી દુકાનો પર રાજગરાનો લોટ, સાબુદાણા, સીંગ, બટાકા અને દૂધ-દહીંની ખરીદી માટે મહિલાઓની ભીડ જોવા મળી રહી છે. ફૂલ વેપારીઓના મતે સોમવારે ગુલાબ અને મોગરાના માંગમાં વધારો થઈ શકે છે.
ઘણા ઘરોમાં આખો મહિનો એકટાણું, દૂધ-ફરાળ અને ફલાહારનું પાલન કરવામાં આવશે. શાળા-કોલેજના વિદ્યાર્થીઓ પણ સોમવારે ઉપવાસ કરીને પરીક્ષામાં સફળતા માટે પ્રાર્થના કરશે.
શ્રાવણને લઈને જિલ્લા વહીવટી તંત્ર એલર્ટ પર છે. મોટા મંદિરોની આસપાસ ટ્રાફિક ડાયવર્ઝન, પાર્કિંગ અને પ્રવેશ-બહાર નીકળવા માટે અલગ રસ્તા બનાવવામાં આવ્યા છે.
મહિલાઓ અને વરિષ્ઠ નાગરિકો માટે અલગ કતારની વ્યવસ્થા છે. આરોગ્ય વિભાગ દ્વારા મંદિરોની આસપાસ મેડિકલ કેમ્પ અને એમ્બ્યુલન્સની સુવિધા રાખવામાં આવી છે. વરસાદને ધ્યાનમાં રાખીને તમામ મંદિરોમાં છત અને પંખાની વ્યવસ્થા કરવામાં આવી છે.
ગુરૂવારથી શરૂ થઈ રહેલો શ્રાવણ મહિનો આપણને સંયમ, સેવા, ભક્તિ અને પ્રકળતિ પ્રેમનો સંદેશ આપે છે. પ્રથમ જ્યોર્તિલિંગ સોમનાથથી લઈને નાગેશ્વર, જડેશ્વર અને ઘેલા સોમનાથ સુધી સમગ્ર સૌરાષ્ટ્ર-કચ્છ શિવમય બની જશે.
મંદિરોના પૂજારીઓ અને ધાર્મિક ગુરુઓનું માનવું છે કે આ પવિત્ર મહિનામાં કરવામાં આવેલી એક પણ પૂજા વ્યર્થ જતી નથી. આશા છે કે ભગવાન ભોલેનાથ સૌના જીવનમાં સુખ, શાંતિ, આરોગ્ય અને સમળદ્ધિ લાવે.
(11:26 AM IST)
