રાજકોટના મેટોડા GIDC વિસ્તારમાં માત્ર 6 વર્ષની માસૂમ બાળકીનું અપહરણ કરી તેના પર દુષ્કર્મ ગુજારવાની હૃદયકંપાવનારી ઘટના સામે આવી છે. બનાવની જાણ થતાં જ મેટોડા GIDC પોલીસે તાત્કાલિક એક્શનમાં આવીને આક્રમક તપાસ હાથ ધરી હતી. ખીરસરાથી મેટોડા તરફ જતા રસ્તા નજીક ઝાડી-ઝાંખરામાંથી બાળકીના રડવાનો અવાજ સંભળાતાં જ પોલીસે ત્વરિત કાર્યવાહી કરીને મૂળ ઉત્તર પ્રદેશના 36 વર્ષીય આરોપી વિક્રમ ગૌરને રંગેહાથ ઝડપી પાડ્યો હતો. ઘટના બન્યાના ગણતરીના 2 જ કલાકની અંદર પોલીસે આરોપીની ધરપકડ કરી તેની સામે પોક્સો (POCSO) સહિતની અતિ ગંભીર કલમો હેઠળ ગુનો નોંધી આગળની કાયદેસરની કાર્યવાહી હાથ ધરી છે.