રાજકોટ : પવિત્ર શ્રાવણ માસનો આજે બીજો સોમવાર હોય શહેરના શિવમંદિરોમાં વિશેષ કાર્યક્રમોના આયોજનો થયા છે. વહેલી સવારથી શિવમંદિરોમાં હર હર મહાદેવ, ૐ નમઃશિવાયના નાદો ગુંજી ઉઠયા હતા. ભાવિકોએ દર્શન - અભિષેકનો બહોળી સંખ્‍યામાં લાભ લીધો હતો. શિવાલયોમાં ચાર પ્રહરની આરતી ઉપરાંત આખો દિવસ ધૂન-સત્‍સંગના કાર્યક્રમો ચાલશે.  સાંજે પણ શિવજીની વિશેષ શોભા સાથે દર્શનીય આરતીના કાર્યક્રમો આયોજીત થયા છે. ઉપરોકત તસ્‍વીરમાં શહેરના જુદા જુદા વિસ્‍તારોમાં આવેલ મંદિરોમાં થઇ રહેલ પૂજનવિધિ નજરે પડે છે. (તસ્‍વીર : અભિજીત બગથરીયા)