રાજકોટ તા. ૨: શહેરના કોઠારીયા રોડ પર આજીડેમ પોલીસ સ્‍ટેશનથી આગળ આવેલા જયનગર મફતીયાપરા નજીક ખાણમાંથી અજાણ્‍યા આશરે ૪૫ વર્ષના પુરૂષની કોહવાયેલી, ફુલાયેલી લાશ મળી આવતાં ચકચાર જાગી છે. બનાવની જાણ થતાં આજીડેમ પોલીસ સ્‍ટેશનના હેડકોન્‍સ. તેજપાલસિંહ સરવૈયાએ ઘટના સ્‍થળે પહોંચી કાર્યવાહી કરી હતી. મૃતકના વાલીવારસની શોધખોળ શરૂ થઇ છે. કોઇ સગા સંબંધી હોય તો આજીડેમ પોલીસનો મો. ૭૪૩૩૮ ૧૪૮૦૮ ઉપર સંપર્ક કરવા જણાવાયું છે