રાજકોટમાં જંગલેશ્વર ડિમોલિશન દરમિયાન થયેલા નાસ્તાના ખર્ચના વિવાદને લઈને તપાસ શરૂ થાય તે પહેલાં જ તપાસ સમિતિના અધ્યક્ષમાં ફેરફાર કરવામાં આવ્યો છે. સી.કે. નંદાણીના સ્થાને હવે કેતન જોશીની તપાસ સમિતિના નવા અધ્યક્ષ તરીકે નિમણૂક કરવામાં આવી છે. કેતન જોશીની અધ્યક્ષતામાં સમિતિ સમગ્ર મામલાની તપાસ કરશે. તપાસ સમિતિ રચાયાના માત્ર બે દિવસમાં જ અધ્યક્ષ બદલાતા અનેક તર્ક-વિતર્ક શરૂ થયા છે. નોંધનીય છે કે કેતન જોશી હાલ PGVCLના મેનેજિંગ ડિરેક્ટર છે અને તેમની પાસે ડેપ્યુટી મ્યુનિસિપલ કમિશનરનો વધારાનો ચાર્જ પણ છે.