રાજકોટઃ શહેરમાં આજે વહેલી સવારથી જ વરસાદી માહોલ છવાયો હતો. સવાર પડતાં જ આકાશમાં કાળા ડિબાંગ વાદળો ઘેરાઈ આવતાં વાતાવરણમાં પલટો જોવા મળ્‍યો હતો. ત્‍યારબાદ શહેરના વિવિધ વિસ્‍તારોમાં ઝરમર વરસાદ અને હળવા ઝાપટાંનો દોર શરૂ થયો હતો. વરસાદની હળવી હાજરીથી રસ્‍તાઓ ભીના બન્‍યા હતા અને વાતાવરણમાં ઠંડક પ્રસરી હતી.

વહેલી સવારના સમયે જ વાદળછાયું વાતાવરણ રહેતાં દિવસ દરમિયાન પણ વરસાદી માહોલ રહેવાના એંધાણ જોવા મળ્‍યા હતા. કાળા વાદળો વચ્‍ચે વરસતા ઝરમર વરસાદે શહેરના વાતાવરણને ખુશનુમા બનાવી દીધું હતું. સવારના સમયે બહાર નીકળેલા લોકોને પણ વરસાદી માહોલનો અનુભવ થયો હતો.

છેલ્લા કેટલાક દિવસથી રાજકોટ સહિત સૌરાષ્ટ્રમાં વરસાદી માહોલ જોવા મળી રહ્યો છે ત્‍યારે આજે પણ સવારથી વરસાદી વાતાવરણ જળવાઈ રહ્યું હતું. જોકે વરસાદ હળવો હોવાથી જનજીવન પર કોઈ મોટી અસર જોવા મળી નહોતી. શહેરના રસ્‍તાઓ પર વાહનવ્‍યવહાર સામાન્‍ય રહ્યો હતો. દરમિયાન આકાશમાં વાદળોની જમાવટ યથાવત રહેતાં આગામી કલાકોમાં વધુ ઝાપટાં પડે તેવી શક્‍યતાને પગલે રાજકોટવાસીઓની નજર આકાશ તરફ મંડાયેલી રહી હતી.