રાજકોટ: ભાષા રચના વિચાર મંચ ‘ભારવિ’ દ્વારા સાહિત્ય પ્રેમીઓ માટે આવતીકાલે, રવિવાર, તા. ૧૧ ઑક્ટોબર ૨૦૨૬ના રોજ સવારે ૯:૩૦ થી ૧૨:૦૦ દરમિયાન ‘ભારવિવાર’ અંતર્ગત ૫૬મી સાહિત્યિક બેઠકનું આયોજન કરવામાં આવ્યું છે. આ બેઠક રાજકોટના યુનિવર્સિટી રોડ પર આવેલ એસબીઆઈ વાળી શેરી, ૨/૧૦ નો ખૂણો, જલારામ-૨ ખાતે સત્ત્વ ફાઉન્ડેશનના સ્થળે યોજાનાર છે. આ કાર્યક્રમમાં જોડાવા માટે તમામ ભાવકો અને સાહિત્ય રસિકોને જાહેર નિમંત્રણ પાઠવવામાં આવ્યું છે.

આ વિશેષ સાહિત્યિક બેઠકમાં વિવિધ વિદ્વાનો અને યુવા સભ્યો દ્વારા અદ્ભુત પ્રસ્તુતિઓ કરવામાં આવશે. જેમાં ભગવાન થાવરાણી દ્વારા સ્વરચિત ગુજરાતી-હિંદી ગઝલનું પઠન કરવામાં આવશે, જ્યારે ઇલિયાસ શેખ દ્વારા નોબેલ વિજેતા સર્જક એન્ની કાર્સન વિશે વિશેષ વક્તવ્ય રજૂ થશે. આ ઉપરાંત ડૉ. અંબાદાન રોહડિયા દ્વારા ‘સૌરાષ્ટ્રની રસધાર અને લોકસંસ્કૃતિ’ વિષય પર રસપ્રદ સત્ર યોજાશે.

કાર્યક્રમના ઉત્સાહી યુવા સભ્યો પણ વિવિધ મહત્ત્વની કૃતિઓની પ્રસ્તુતિ કરશે. જેમાં પિયુષ સોલંકી દ્વારા ‘અભિજ્ઞાનશાકુંતલમ્’ વિશે, વિરલ ચૌહાણ દ્વારા ‘ગુજરાતનો નાથ’ વિશે વિચારો રજૂ કરવામાં આવશે. તેમજ નિધિ મૃગેશર દ્વારા ઉષા ઉપાધ્યાય લિખિત ‘હું તો ચાલી’ અને કિરીટ દુધાત લિખિત ‘બાયું’ વાર્તાઓનું સુંદર પઠન કરવામાં આવશે. આ કાર્યક્રમ સંબંધી વધુ માહિતી માટે સંપર્ક નંબરો 9925210237 - 9099993630 પર સંપર્ક કરી શકાય છે.