રાજકોટ તા.૨૩,નાયબ મુખ્‍યમંત્રી હર્ષ સંઘવી આજે તા.૨૩ એપ્રિલ ૨૦૨૬ના રોજ સાંજે ભુપેન્‍દ્ર રોડ ઉપર આવેલ શ્રી બાલાજી હનુમાનજી મંદિરે દર્શન કરવા આવનાર છે. શ્રી બાલાજી હનુમાનજી મહારાજના દર્શન અને પૂજન અર્ચન કરશે. સ્‍થાનિક સ્‍વરાજની ચૂંટણીનો પ્રચાર પૂરજોશમાં ચાલી રહ્યો છે ત્‍યારે નાયબ મુખ્‍યમંત્રી હર્ષ સંઘવીનો શ્રી બાલાજી હનુમાનજી મહારાજના દર્શનનો કાર્યક્રમ યોજાનાર છે.

 ગઈકાલે ભુજમાં યોજાયેલા ભવ્‍ય રોડ શોમાં હર્ષ સંઘવીને લોકોનો જબરદસ્‍ત આવકાર મળ્‍યો હતો. શ્રી બાલાજી હનુમાનજી મહારાજના મંદિરે દર્શન બાદ તેઓ કાર્યકરો અને આગેવાનો સાથે મુલાકાત કરે તેવી શકયતા છે. નાયબ મુખ્‍યમંત્રી હર્ષ સંઘવીના આગમનને લઈને ભાજપના કાર્યકરોમાં ઉત્‍સાહનો માહોલ જોવા મળી રહ્યો છે.