તા. ૧૩ નવેમ્બર ર૦ર૬ વિક્રમ સંવત ર૦૮૩ કારતક સુદ – ૪ શુક્રવાર
ઈન્ડીયન બેંકમાંથી ૧ કરોડથી વધુના દાગીના ગુમ થવા બાબતે હાઈકોર્ટ આકરાપાણીએઃ ઉંડી તપાસનો આદેશ
રાજકોટ પોલીસની ઢીલી નિતી બાદ એસીપી કક્ષાના અધિકારીને તપાસ કરવા આદેશ : ૨૮મી સુધીમાં નવો તપાસ રીપોર્ટનો આદેશઃ કોઈ કાર્યવાહી ન થતાં ફરિયાદી શ્યામ શાહ-સંગીતા શાહે હાઈકોર્ટમાં દાદ માંગી હતી
રાજકોટ,તા.૦૪: રાજકોટના ગોંડલ રોડ પર આવેલ ઈન્ડીયન બેંકની કસ્ટડીમાંથી રૂ.૧.૧૫ કરોડના સોનાના દાગીના અને અન્ય ચીજવસ્તુઓ ભેદી રીતે ગુમ જવાની બાબતમાં ધીમી ચાલી રહેલી તપાસ અંગે ગુજરાત હાઈકોર્ટ ચિંતા વ્યક્ત કરી છે અને આ કેસમાં એસીપી કક્ષાના અધિકારીને તપાસ ઉપર દેખરેખ રાખવા જણાવાયું છે. અત્રે એ નોંધનીય છે કે આ કેસમાં રાજકોટ પોલીસ દ્વારા કોઈ પગલા નહિ લેવાતા ફરિયાદી શ્યામભાઈ શાઅ અને સંગીતાબેન શાહે હાઈકોર્ટમાં અપીલ કરી કોઈ સ્વતંત્ર એજન્સીને તપાસ સોંપવા માંગણી કરી હતી જે પછી હાઈકોર્ટે આદેશ આપ્યા છે.
કોર્ટના રેકોર્ડ મુજબ આ દંપતીએ ૨૦૨૩ માં ઇન્ડિયન બેંકની રાજકોટ શાખામાંથી ૧,૦૦૪.૧ ગ્રામ ૨૨ કેરેટ સોનાના ઝવેરાત અને કિમતી રત્નો ગીરવે મૂકીને બે પ્લ્પ્ચ્ લોન મેળવી હતી, જેની કુલ કિમત રૂ. ૧.૧૫ કરોડ થાય છે. પાછળથી તેમને ખબર પડી કે ગીરવે મૂકેલી કિમતી વસ્તુઓ બેંકની કસ્ટડીમાંથી ગુમ થઈ ગઈ છે અને ડિસેમ્બર ૨૦૨૫ માં રાજકોટ એ ડિવિઝન પોલીસમાં FIR નોંધાવી હતી.
અરજદારોએ દલીલ કરી હતી કે જ્ત્ય્ છ મહિના કરતાં વધુ સમય પહેલા નોંધાઈ હોવા છતાં, તપાસમાં બહુ ઓછી પ્રગતિ થઈ છે. અગાઉ, તેમણે હાઇકોર્ટ પાસેથી રિઝર્વ બેંક ઓફ ઇન્ડિયાને કથિત બેદરકારી બદલ બેંક સામે કાર્યવાહી શરૂ કરવા માટે નિર્દેશો માંગ્યા હતા.ગયા મહિને, ઇન્ડિયન બેંકે દંપતીને રૂ. ૧.૩૨ કરોડનું વળતર આપીને વિવાદનું સમાધાન કર્યું. જોકે, અરજદારોએ દલીલ કરી હતી કે કથિત ચોરીની સંપૂર્ણ ફોજદારી તપાસ જરૂરી છે.
દંપતી તરફથી હાજર રહેલા એડવોકેટ નિમિત શુક્લાએ રજૂઆત કરી હતી કે ડિસેમ્બર ૨૦૨૫ માં જ્ત્ય્ નોંધાઈ હોવા છતાં, કોઈ આરોપીની ધરપકડ કરવામાં આવી નથી.તપાસ એજન્સી દ્વારા દાખલ કરાયેલા સ્ટેટસ રિપોર્ટની નોંધ લેતા, હાઇકોર્ટે અવલોકન કર્યું કે તપાસ પૂરતી પ્રગતિ કરી નથી. રિપોર્ટના અવલોકનથી એવું લાગતું નથી કે તપાસ અધિકારી દ્વારા આરોપીઓની હાજરી સુનિﾍતિ કરવા માટે કોઈ પગલાં લેવામાં આવ્યા છે, જોકે કેટલાક આરોપીઓની આગોતરા જામીન અરજીઓ આ કોર્ટ દ્વારા ફગાવી દેવામાં આવી છે, કોર્ટે નોંધ્યું.
કોર્ટે વધુમાં આદેશ આપ્યો કે, સહાયક પોલીસ કમિશનર કક્ષાના ઉચ્ચ અધિકારી તપાસનું નિરીક્ષણ કરશે અને આગામી તારીખે ગુનાની તપાસમાં લેવામાં આવેલા પગલાં અંગે નવો અહેવાલ રજૂ કરશે. આ મામલો ૨૮ જુલાઈના રોજ વધુ સુનાવણી માટે મુલતવી રાખવામાં આવ્યો છે, જ્યારે કોર્ટ તપાસની પ્રગતિની સમીક્ષા કરશે.
(3:21 PM IST)
