તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
આપણું એક માત્ર ઘર એટલે પૃથ્વી એનું રક્ષણ કરીએ
આજે ‘પૃથ્વી દિવસ'
એક ક્ષણ માટે કલ્પના કરો, જો આવતીકાલે આપણને શ્વાસ લેવા માટે શુદ્ધ હવા ન મળે, પીવા માટે સ્વચ્છ પાણી ન મળે અને જીવવા માટે સલામત પર્યાવરણ ન મળે તો શું થાય? આ વિચાર જ ડરાવનારો છે, પરંતુ હકીકત એ છે કે આપણે ધીમે ધીમે એ જ દિશામાં આગળ વધી રહ્યા છીએ. પળથ્વી આપણું ઘર છે. તે આપણને હવા, પાણી, ખોરાક અને જીવન માટે જરૂરી દરેક વસ્તુ આપે છે. છતાં પણ, આપણે તેની યોગ્ય કાળજી નથી રાખતા. આજે પર્યાવરણ સામે અનેક ગંભીર સમસ્યાઓ ઊભી થઈ છે. સૌપ્રથમ, હવાનું પ્રદૂષણ- ફેક્ટરીઓમાંથી નીકળતા ધુમાડા, વાહનોના ઝેરી ગેસો અને ધૂળના કારણે હવા પ્રદૂષિત બની રહી છે, જેના કારણે શ્વાસ સંબંધિત રોગો વધી રહ્યા છે.
બીજું, પાણીનું પ્રદૂષણ- નદીઓ, તળાવો અને સમુદ્રોમાં કચરો અને કેમિકલ્સ ફેંકાતા હોવાથી પાણી પ્રદૂષિત થઈ રહ્યું છે, જે જીવજંતુઓ અને માનવજીવન બંને માટે ખતરનાક છે. ત્રીજું, માટીનું પ્રદૂષણ- રાસાયણિક ખાતરો અને પ્લાસ્ટિકના કચરાના કારણે જમીનની ઉર્વરતા ઘટી રહી છે, જે આપણાં ખોરાકની ગુણવત્તા પર અસર કરે છે. ચોથું, અવાજનું પ્રદૂષણ- વાહનોના હોર્ન, લાઉડ સ્પીકર, ડીજે અને મશીનોના અવાજથી માનસિક તણાવ અને આરોગ્યની સમસ્યાઓ ઊભી થાય છે. આ ઉપરાંત, હવામાન પરિવર્તન પણ એક ગંભીર સમસ્યા છે. તાપમાન વધતું જાય છે, વરસાદની પેટર્નમાં ફેરફાર આવી રહ્યો છે અને કુદરતી આપત્તિઓ વધી રહી છે.
મિત્રો, આ સમસ્યાઓ માટે જવાબદાર કોઈ બીજું નથી, આપણે જ છીએ. પરંતુ ઉકેલ પણ આપણાં હાથમાં જ છે. આપણે હવાનું પ્રદૂષણ ઘટાડવા માટે વધુ વળક્ષો વાવી શકીએ, જાહેર પરિવહનનો ઉપયોગ કરી શકીએ અને પ્રદૂષણ ઘટાડવાનો પ્રયાસ કરી શકીએ. પાણી બચાવવા માટે નળ બિનજરૂરી ખુલ્લા ન રાખવા, વરસાદી પાણીનો સંગ્રહ કરવો અને પાણી પ્રદૂષિત થતું અટકાવવું જોઈએ. માટી બચાવવા માટે રાસાયણિક ખાતરોનો ઓછો ઉપયોગ કરીને સજીવ ખાતરોનો ઉપયોગ કરવો જોઈએ. અવાજ પ્રદૂષણ ઘટાડવા માટે અનાવશ્યક હોર્ન વગાડવાનું, લાઉડસ્પીકરો, ડીજે વગેરે વગાડવાનું ટાળવું જોઈએ અને શાંતિ જાળવવી જોઈએ. સાથે સાથે રીડયુસ, રીયુઝ, રીસાયકલનો સિદ્ધાંત અપનાવવો ખૂબ જ જરૂરી છે.
પળથ્વી દિવસ, જે દર વર્ષે ૨૨ એપ્રિલે ઉજવવામાં આવે છે, એ માત્ર એક દિવસ નથી એ આપણને દરરોજ જવાબદાર બનવાનો સંદેશ આપે છે. ચાલો, આજે એક સંકલ્પ લઈએ ‘નાનું હોય કે મોટું, પણ દરેક દિવસ પળથ્વી માટે કંઈક સારું કામ કરીશું'. કારણ કે જો આપણે આજે પળથ્વીને બચાવીશું, તો આવતીકાલે પળથ્વી આપણને બચાવશે. યાદ રાખો, પળથ્વી જ આપણું એકમાત્ર ઘર છે અને તેને બચાવવું હવે વિકલ્પ નથી, પરંતુ ફરજ છે. (૧૬.૨)
- એડવોકેટ હિંમતભાઈ લાબડીયા, પ્રમુખ : યુથ ફોર ડેમોક્રેસી, રાજકોટ
(3:34 PM IST)
