રાજકોટ, તા. ૩૦:  મહાનગરપાલિકા દ્રારા વર્ષ ૨૦૨૬-૨૭ના મિલ્‍કતવેરા તથા પાણી વેરો ભરપાઇ કરવા માટે તારીખઃ ૦૭ એપ્રીલથી મિલકતવેરા વળતર યોજના હેઠળ વેરાની વસુલાત શરૂ કરવામાં આવેલ છે.

રાજકોટ મહાનગરપાલિકા દ્વારા ચાલુ નાણાકીય વર્ષ ૨૦૨૬-૨૭ દરમિયાન સેન્‍ટ્રલ ઝોન દ્વારા રૂ.૬૮.૮૦ કરોડ , વેસ્‍ટ ઝોન દ્વારા રૂ.૧૦૨.૯૪ કરોડ, ઈસ્‍ટ ઝોન દ્વારા રૂ.૪૩.૩૫ કરોડની વસુલાત થવા પામેલ છે.જેમાં કુલ ૩,૧૧,૭૬૩ જેટલા મિલકતધારકોએ આ વળતર યોજનો લાભ લઈ,વેરાની ભરપાઈ કરેલ છે.

વળતર યોજના હેઠળ તા.૩૧ સુધી સામાન્‍ય કરદાતાઓને ૧૦ ટકા ડિસ્‍કાઉન્‍ટ અને મહિલાઓ માટે ૧૫ ટકા ડિસ્‍કાઉન્‍ટનું પ્રદાન કરવામાં આવે છે. ત્‍યાબાદ ૧  થી ૩૦ જુન સુધી મહિલાઓ માટે ૧૦ ટકા ડિસ્‍કાઉન્‍ટ અને સામાન્‍ય કરદાતા માટે ૫ ટકા ડિસ્‍કાઉન્‍ટ આપવામાં આવશે.

કાલે તા.૩૧ રવિવારના રોજ ત્રણેય ઝોનના  સિવિક સેન્‍ટર સવારે ૧૦ થી ૨ સુધી મિલકતવેરાની વસુલાત માટે કાર્યરત રહેશે જ્‍યા મિલકતધારકો મિલકત વેરો રોકડેથી કે ચેકથી ભરપાઈ કરી શકશે.

મિલકતવેરામાં ૧૦ ટકાના વળતરની યોજનાનો તા.૩૧ ના રોજ પુરી થનાર હોઈ, શહેરના બાકી મિલકતધારકોને આ યોજનાનો લાભ લેવા જણાવાયું છે.