રાજકોટ તા. ૨૭: રૈયાધારમાં રહેતાં કિશન રાજુભાઇ જમનપરીયા (ઉ.વ.૩૦) નામના દેવીપુજક યુવાને રાતે બારેક વાગ્‍યે પોતાના જ શરીરે બ્‍લેડથી છરકા કરી લેતાં સારવાર માટે સિવિલ હોસ્‍પિટલમાં ખસેડાયો છે.

કિશન બકાલુ વેંચી ગુજરાન ચલાવે છે અને ચાર બહેન, બે ભાઇમાં મોટો છે. તેને સંતાનમાં એક દિકરો અને એક દિકરી છે. પત્‍નિ કાજલબેને કહ્યું હતું કે પતિ કિશન અગાઉ કદી દારૂ પીતા નહિ, હાલમાં રવાડે ચડી ગયા છે. રાતે નશો કરી માથાકુટ કરી મરી જવાનું રટણ કરતાં પોતે તેને ઠપકો આપી સમજાવતી હોઇ માઠુ લાગી જતાં બ્‍લેડની છરકા કરી લીધા હતાં. હોસ્‍પિટલ ચોકીના સ્‍ટાફે યુનિવર્સિટી પોલીસને જાણ કરી હતી.