રાજકોટ તા. ૧૯: આર્થિક સંકડામણને કારણે આપઘાત કરી લેવાની વધુ એક ઘટનામાં નવા થોરાળા અવધ પાર્ક-૧માં રહેતાં રવજીભાઇ દાનાભાઇ મકવાણા (ઉ.વ.૫૦) નામના પ્રોૈઢે ઘરે લાકડાની આડીમાં દોરી બાંધી દેહ લટકાવી દેતાં મોત થયું હતું. બનાવની જાણ થતાં થોરાળા પોલીસે જરૂરી કાર્યવાહી કરી હતી. આપઘાત કરનારા રવજીભાઇ બે ભાઇ અને ત્રણ બહેનમાં બીજા હતાં. સંતાનમાં એક દિકરો છે. પોતે કારખાનામાં મજૂરી કરી પરિવારનું ગુજરાન ચલાવતાં હતાં. હાલમાં આર્થિક સંકડામણ ઉભી થઇ હોઇ સતત મુંજવણમાં હતાં. સવારે તેમણે આ પગલુ ભરી લીધુ હતું. બનાવને પગલે પરિવારમાં કલ્‍પાંત સર્જાયો હતો.