​રાજકોટ: શહેરના ભક્તિનગર વિસ્તારમાં આવેલ આહિર ચોક પાસે એસ.એમ.સી. (SMC) ની ટીમ દ્વારા ગેસની ગેરકાયદેસર રિફિલિંગ પ્રવૃત્તિ સામે મોટા પાયે દરોડા પાડવામાં આવ્યા છે. આ દરોડા દરમિયાન ગેરકાયદેસર રીતે ગેસની રિફિલિંગ કરતા ઈસમોને રંગેહાથ ઝડપી પાડીને ગેસના બાટલાઓ મોટી સંખ્યામાં જપ્ત કરવામાં આવ્યા છે.
​રિફિલિંગની આ ગેરકાયદેસર પ્રવૃત્તિ સામે હાથ ધરેલી આ કાર્યવાહીમાં સ્થળ પરથી ગેસના બાટલાઓ ઉપરાંત વપરાશમાં લેવાતા વજન કાંટા અને મોટર પણ જપ્ત કરવામાં આવ્યા છે. હાલ ભક્તિનગર પોલીસ મથકે આ તમામ જપ્ત કરાયેલ મુદ્દામાલ સાથે આગળની કાયદેસરની સઘન કાર્યવાહી હાથ ધરવામાં આવી રહી છે. બે ટ્રક ભરી 500 જેટલા બાટલા જપ્ત કરાયા છે. વધુ તપાસ ચાલી રહી છે.