તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
જંકશન વિસ્તારમાં શાકભાજીવાળાઓનું જાહેર માર્ગો ઉપર દબાણઃ લત્તાવાસીઓ પરેશાન
મોચી બજારથી રેલ્વે સ્ટેશનવાળા રોડ પર રેકડી-લારીના થપ્પાઃ મનપાની ગાડી આવતા રહેણાંક વિસ્તારમાં કરે છે નાસભાગ
રાજકોટ, તા. ૧૧: શહેરના જંકશન વિસ્તાર પાસેના મોચી બજારથી રેલ્વે સ્ટેશન તરફના રસ્તા ઉપર શાકભાજીવાળા લારી, ગલ્લા તથા છકડો રાખી ફુટપાટથી આગળ બે-ત્રણ ફુટ રસ્તા ઉપર દબાણ કરી ટ્રાફિકને ખુબજ અડચણરૂપ થતા હોવાની લત્તાવાસીઓમાં ફરિયાદ ઉઠી છે.
લતાવાસીઓ મુજબ જયારે પણ કોર્પોરેશનની ગાડી આવે છે. ત્યારે આ લોકો રહેણાંક વિસ્તારમાં સામાન સાથે દોડી આવે છે જેથી રહેવાસીઓને પણ પારાવાર તકલીફ પડે છે અને અકસ્માતનો ડર સતાવે છે. આ બાબતે તંત્ર દ્વારા તુરંત નિરાકરણ કરવામાં આવે અને સ્થાનીકોને ત્રાસમાંથી મુકિત મળે તેવી માંગ લત્તાવાસીઓમાં ઉઠી રહી છે
(3:27 PM IST)
