તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
લીંબડીના મોટા ટીંબલા પાસે અકસ્માતમાં ૨ મોત
૨ મોટર સાયકલ વચ્ચે જોરદાર ટક્કરઃ ૨ આશાસ્પદ યુવકોના મોતથી અરેરાટી
(ફઝલ ચોૈહાણ દ્વાર) વઢવાણ, તા.૧૯: સુરેન્દ્રનગરના લીંબડી તાલુકામાં ભલગામડા-જાંબુ રોડ પર આવેલા મોટા ટીંબલા ગામ નજીક એક અત્યંત ગમખ્વાર માર્ગ અકસ્માત સર્જાયો હતો. અહીં રસ્તાના વળાંક પાસે બે બાઇક સામસામે અથડાતાં બંને બાઇકચાલકોના ઘટનાસ્થળે જ કમકમાટીભર્યા મોત નિપજ્યાં હતાં.
મોટા ટીંબલા નજીક માર્ગ પર આવેલા ખતરનાક વળાંક પાસે બે મોટરસાઇકલ વચ્ચે જોરદાર ધડાકાભેર ટક્કર થઈ હતી. અકસ્માત એટલો ગંભીર હતો કે બંને ચાલકોના સ્થળ પર જ મોત નીપજ્યા હતા. ઘટનાની જાણ થતાં જ આસપાસના લોકો એકઠા થઈ ગયા હતા અને તુરંત ૧૦૮ એમ્બ્યુલન્સને જાણ કરવામાં આવી હતી. એમ્બ્યુલન્સ મારફતે બંને મળતદેહોને લીંબડી સિવિલ હોસ્પિટલ ખાતે ખસેડવામાં આવ્યા હતા.
આ કરુણ માર્ગ અકસ્માતમાં જાન ગુમાવનાર કમનસીબ વાહનચાલકોની ઓળખ થઈ ચૂકી છે. જેમાં મોટા ટીંબલા ગામના પરસોત્તમ વાઘેલા અને નાના ટીંબલા ગામના મુકેશ પરમારનો સમાવેશ થાય છે. બંને મળતદેહોને જરૂરી કાનૂની અને પોસ્ટમોર્ટમ (PM) ની કાર્યવાહી માટે હોસ્પિટલના પીએમ રૂમ ખાતે રાખવામાં આવ્યા છે.
એકસાથે બે કમાઉ દીકરા/વ્યક્તિઓના અકાળે અવસાનની ઘટનાથી મોટા ટીંબલા અને નાના ટીંબલા બંને ગામો સહિત સમગ્ર લીંબડી પંથકમાં ભારે અરેરાટી વ્યાપી ગઈ છે. અકસ્માતના આ બનાવ અંગે સ્થાનિક પોલીસે ગુનો નોંધીને અકસ્માતના કારણો તથા આગળની કાનૂની તપાસ હાથ ધરી છે.
(11:33 AM IST)
છેલ્લા 8 દિવસમાં સૌથી લોકપ્રિય 
