જામનગર: જોડિયા અને તાલુકાના ગ્રામ્ય વિસ્તાર માટે શેઠ કાકુભાઈ જીવણદાસ સ્ત્રી હુન્નર ઉદ્યોગ શાળામાં તા ૨૮/૬ના રોજ જામનગરની પ્રખ્યાત અને NABH સર્ટિફાઇડ આયુષ હોસ્પિટલ દ્વારા નિઃશુલ્ક સર્વરોગ મેગા મેડિકલ કેમ્પ યોજાયો હતો.
  આ કેમ્પનો જોડિયાની પ્રખ્યાત ગીતા મંદિરના અધ્યક્ષ વિનુભાઈ કાનાણી, ટ્રસ્ટી પાર્થભાઈ સુખપરિયા, પુનિતભાઈ શેઠ, સ્થાનિક ટ્રસ્ટી અશોકભાઈ વર્મા, સંસ્થાના મંત્રી પ્રીતિબેન સુખપરિયા અને આવેલા તબીબોના હસ્તે દીપ પ્રાગટ્ય કરી પ્રારંભ કરાવ્યો હતો. 
   આ મેડિકલનો કેમ્પનો બસ્સોથી વધુ દર્દીઓએ લાભ લીધો હતો. આ કેમ્પમાં ન્યુરોસર્જન ડો. જીતેન્દ્રસિંહ ભદોરિયા, કેન્સર સર્જન ડો સુહાસ માંગલુકર, યુરો સર્જન ડો વિનીત શુક્લ, ઓર્થોપેડિક સર્જન ડો રજત પટેલ અને ડો. જસ્મિન ભાલોડિયા, મેડિસિન વિભાગના ડો. સુમિત દુધાગરા, ગાયનેકોલોજિસ્ટ ડો કુશ ઠક્કર, પીડિયાટ્રિશિયન ડો નીરવ રાઠોડ, જનરલ સર્જન ડો કિશોર મકવાણા, મેડિકલ ઓફિસર ડો. રિંકેશ ચીખલીયા અને ડો મેહુલ કાબરિયા તથા આયુષ હોસ્પિટલના સ્ટાફે સેવા આપી હતી. આ મેડિકલ કેમ્પમાં નિઃશુલ્ક નિદાન અને સારવાર ઉપરાંત નિઃશુલ્ક ઈસીજી, એક્સરે, બીપી અને સુગર ચેકઅપ ઉપરાંત નિઃશુલ્ક દવા પણ આપવામાં આવી હતી.
સંસ્થાના સંનિષ્ઠ કાર્યકરો મમતાબેન જોષી, ગૃહમાતા જ્યોત્સનાબેન સરવૈયા અને માણેકબેન કાનાણી, એકનાથભાઈ શાસ્ત્રી, યુસુફભાઈ ગોધાવિયાએ કેમ્પની વ્યવસ્થામાં સેવા આપી હતી