રાજકોટ તા.૮ : ગુજરાતમાં વિવિધ સ્‍થળોએ માર્ગ અકસ્‍માતના કિસ્‍સાઓમાં સતત વધારો થઇ રહ્યો છે. ગત દિવસોમાં ગોંડલ તાલુકાના દેરડીકુંભાજીના ખાતરા પરિવારને કચ્‍છ ખાતે લાકડીયા નજીક અકસ્‍માત નડયો હતો અને તેમાં પ્રાપ્ત માહિતી અનુસાર ૬ લોકોનાં મોત નિપજયા હતા. એક બીજી ઘટનામાં ગઈકાલે રાત્રે ઉતર ગુજરાતમાં હિંમતનગર નજીક મુંબઈના પરિવારને પણ અકસ્‍માત નડયો હતો અને તેમાં સવાર ૪ લોકોનાં મોત નિપજયા છે.

 પૂ. મોરારીબાપુએ આ બંને ઘટનાઓમાં મળતકોને શ્રધ્‍ધાંજલિ પાઠવી છે અને તેમના પરિવારજનોને પ્રત્‍યેકને રૂપિયા પંદર હજાર લેખે કુલ મળીને રુપિયા ૧,૫૦,૦૦૦ ની સહાયતા રાશિ અર્પણ કરી છે. રાજકોટ અને મુંબઈના રામકથાના શ્રોતાઓ દ્વારા આ રાશિ પહોંચાડવામાં આવશે. તેમ જયદેવભાઈ માંકડ (તલગાજરડા)ની યાદીમાં જણાવાયું છે.