તા. ૧૮ નવેમ્બર ર૦ર૬ વિક્રમ સંવત ર૦૮૩ કારતક સુદ – ૯ બુધવાર
News of Friday, 5th July 2024
હળવદના યુવાનને સસ્તામાં આઈફોન વેચવાના નામે છેતરપિંડી કરનાર ગઠિયો પકડાયો
ફેસબુકમાં ૬૬ હજારનો ફોન ૪૫,૫૦૦મા વેચાવનું કહી કરી હતી છેતરપિંડી

(દીપક જાની દ્વારા) હળવદ,તા. ૫: તાલુકાના મંગળપુર ગામે રહેતા મયુર ગિરધરભાઈ ઉડેશા નામના યુવાને ફેસબુક ઉપર જયુભા ઝાલા નામની આઈડી ઉપર સસ્તામાં નવો આઈફોન ૧૫ વેચવાની જાહેરાત જોઈ સંપર્ક કરતા સામે વાળા ગઠિયાએ કોન્ટેકટ નંબર આપી ફોન કરવાનું કહી હળવદ ખાતે સમીર મોબાઈલ વાળાને ત્યાં મોબાઈલ જોવા જવાનું કહેતા મયુર મોબાઇલની દુકાને જતા આરોપી જયદીપ વિઠ્ઠલભાઇ ઝાલાએ સમીર સાથે વાત કરી મોબાઈલ દેખાડવાનું કહેતા દુકાનદારે મોબાઈલ બતાવી આ મોબાઈલ ૬૬૦૦૦મી મળશે તેમ કહ્યું હતું.
બાદમાં ભેજાબાજ ગઠિયો એવા આરોપી જયેશ ઉર્ફે જયદીપ વિઠ્ઠલભાઇ ઝાલા રહે.વસાવડ, સુત્રાપાડા હાલ રહે. સુરત વાળાએ ફોન મયુરને કહ્યું હતું કે તમે મને ૪૫,૫૦૦ ઓનલાઈન ટ્રાન્સફર કરો જેથી એ વેપારી તમને મોબાઈલ ફોન આપી દેશે, આમ કહ્યા બાદ ભેજાભાજ જયદીપ નામના શખ્સે રાજકોટ ના કોઈ ટેક્સીના ધંધાર્થી વિપુલ ભીમાણીનું ક્યુઆર કોડ મોકલી રૂપિયા ૪૫,૫૦૦ ટ્રાન્સફર કરાવી લીધા હતા. જો કે મયુરે રૂપિયા ટ્રાન્સફર કરવા છતાં હળવદના વેપારીએ ફોન ન આપતા આ બાબતે મયુરે મોબાઈલના ધંધાર્થીને કહેતા તેમને પેમેન્ટ ન મળ્યું હોય ફોન આપવાની ના પાડી હતી. બીજી તરફ આરોપી જયદીપે ટેક્સીના ધંધાર્થી પાસે ગાડી બુક કરાવી ભૂલથી વધુ પેમન્ટ આપ્યું હોવાનું કહી કેન્સલેશનના ૧૫૦૦ કપાવી બાકીના ૪૪૦૦૦ હડપ કરી ગયો હતો. આ વાતને ખાસો સમય વીતવા છતાં મોબાઈલ કે નાણાં પરત ન મળતા અંતે સમગ્ર મામલે હળવદ પોલીસ મથકમાં ફરિયાદ નોંધાવી હતી.
બીજી તરફ આરોપી જયેશ ઉર્ફે જયદીપ ઝાલા હાલમાં રાજકોટ મધ્યસ્થ જેલમાં હોવાનું બહાર આવતા હળવદ પોલીસે આરોપી જયદીપ ઝાલાને ટ્રાન્સફર વોરંટ ને આધારે કબજો મેળવી છેતરપિંડી મામલે તપાસનો ધમધમાટ શરૂ કર્યો છે.
(10:11 AM IST)









છેલ્લા 8 દિવસમાં સૌથી લોકપ્રિય 
